നടൻ ദിലീപിന്റെയും മഞ്ജു വാര്യരുടെയും മകളായ മീനാക്ഷിയെ അറിയാത്തവരായി മലയാളികളായി ആരുമുണ്ടാകില്ല. അത്രത്തോളം വാർത്തകളിൽ നിറയാറുണ്ട് മീനാക്ഷി. സിനിമാ താരമല്ലെങ്കിലും മീനാക്ഷിയുമായി ബന്ധപ്പെട്ടുള്ള വാർത്തകളെല്ലാം സാമൂഹ്യമാധ്യമങ്ങളിൽ വൈറലാകാറുണ്ട്. ഇന്നായിരുന്നു താരപുത്രിയുടെ 24-ാം പിറന്നാൾ. മീനാക്ഷിക്ക് പിറന്നാൾ ആശംസ അറിയിച്ച് ചിത്രങ്ങൾ പങ്കിട്ടിരിക്കുകയാണ് കാവ്യ മാധവൻ.
ദിലീപിനും കാവ്യയ്ക്കും മഹാലക്ഷ്മിക്കുമൊപ്പമുള്ള മീനാക്ഷിയുടെ പിറന്നാൾ ചിത്രങ്ങൾ പങ്കുവച്ചായിരുന്നു താരം ആശംസ അറിയിച്ചത്. ‘പ്രിയപ്പെട്ട മീനൂട്ടിക്ക് ജന്മദിനാശംസകൾ നേരുന്നു’ എന്ന കുറിപ്പോടെയാണ് കാവ്യ ചിത്രങ്ങൾ ഇൻസ്റ്റഗ്രാമിൽ പങ്കുവെച്ചത്. മഹാലക്ഷ്മിക്കൊപ്പമുള്ള മീനാക്ഷിയുടെ ചിത്രങ്ങളാണ് കാവ്യ കൂടുതലായും പങ്കിട്ടിരിക്കുന്നത്.
മീനാക്ഷിയോടൊപ്പം സന്തോഷകരമായ നിമിഷങ്ങൾ ചെലവഴിക്കുന്ന തന്റെ ചിത്രങ്ങൾ കാവ്യ മിക്കപ്പോഴും സമൂഹ്യമാധ്യമങ്ങളിൽ പങ്കുവെയ്ക്കാറുമുണ്ട്. മീനാക്ഷിയും അത്തരത്തിൽ കാവ്യയോടൊപ്പമുള്ള സ്നേഹ ചിത്രങ്ങൾ പങ്കിടാറുണ്ട്. ഇത്തരം ചിത്രങ്ങൾ ആരാധകർ ഇരുകയ്യും നീട്ടി സ്വീകരിക്കാറുമുണ്ട്. സിനിമാ മേഖലയിലേയ്ക്ക് വരാതെ ചെന്നൈയിൽ എംബിബിഎസ് പൂർത്തിയാക്കിയ മീനാക്ഷി ഇപ്പോൾ ഹൗസ് സർജൻസി ചെയ്യുകയാണ്.
