നിയമസഭാ സീറ്റ് വിഭജനവുമായി ബന്ധപ്പെട്ട് എൽഡിഎഫിൽ ഭിന്നതയില്ലെന്ന് മുന്നണി കൺവീനർ ഇ.പി.ജയരാജൻ. ഇടതുമുന്നണിയിലെ എല്ലാ പാർട്ടികളും ഒറ്റക്കെട്ടായാണ് സീറ്റ് വിഭജനം സംബന്ധിച്ച ധാരണയിൽ എത്തിയത്. കോൺഗ്രസ് ലീഗിനെ അവഗണിക്കുന്നത് പോലെയല്ല ഇടതുമുന്നണി. എല്ലാവർക്കും തുല്യപരിഗണനയാണ് എൽഡിഎഫ് നൽകുന്നതെന്നാണ് അദ്ദേഹം വ്യക്തമാക്കിയത്.
‘സീറ്റ് വിഭജനം വരുമ്പോൾ ഒരോ പാർട്ടിക്കകത്തും അണികളുടെ സമ്മർദ്ദമുണ്ടാകും. മുന്നണിയിൽ പാർട്ടികൾ അവരവരുടെ പ്രശ്‌നങ്ങൾ ഉന്നയിക്കും. തീരുമാനമെടുത്ത് കഴിഞ്ഞാൽ എല്ലാവരും അത് അംഗീകരിക്കുക എന്നുള്ളതാണ് ഇടതുമുന്നണിയുടെ നിലപാട്. കേരളത്തിൽ 16 സീറ്റുകളിലായിരുന്നു സിപിഎം മത്സരിച്ചിരുന്നത്. കേരള കോൺഗ്രസ് -എമ്മിനായി ഒരു സീറ്റ് സിപിഎം ഉപേക്ഷിക്കണമെന്ന് ഞാനാണ് എൽഡിഎഫ് യോഗത്തിൽ നിർദേശം വെച്ചത്. അത് എല്ലാവരും അംഗീകരിക്കുകയും ചെയ്തു.
കോൺഗ്രസ് ലീഗിനെ അവഗണിക്കുന്നത് പോലെയല്ല ഇടതുമുന്നണി. എല്ലാവർക്കും തുല്യപരിഗണനയാണ് എൽഡിഎഫിൽ. കോൺഗ്രസ് സീറ്റ് കൊടുത്ത് ലീഗ് മത്സരിക്കേണ്ട അവസ്ഥയുണ്ടോയെന്ന് ചിന്തിക്കണം. ലീഗ് തനിച്ച് മത്സരിച്ചാൽ ഇപ്പോൾ ഉള്ളതിനേക്കാൾ സീറ്റ് നേടുകയും കോൺഗ്രസ് ഗതികേടിലാകുകയും ചെയ്യും’ എന്നാണ് ജയരാജൻ പറഞ്ഞത്.
