ഒരു ഫേസ്ബുക്കിൽ പേജിൽ വന്ന പോസ്റ്റിന് പിന്നാലെ പൊട്ടിത്തെറിച്ച് നടൻ ഉണ്ണി മുകുന്ദൻ. ഉണ്ണിയെയും നടി അനുശ്രീയെയും ചേർത്തുള്ള ഒരു പോസ്റ്റിലാണ് ഉണ്ണി രോഷാകുലനായിരിക്കുന്നത്. ഈ പോസ്റ്റ് സ്ക്രീൻഷോർട്ടെടുത്ത് കുറിക്കു കൊള്ളുന്ന ഒരു ക്യാപ്ക്ഷനുമായി ഷെയർ ചെയ്തിരിക്കുകയാണ് ഉണ്ണി മുകുന്ദൻ.
മറുപടിയുമായി സോഷ്യൽ മീഡിയ പോസ്റ്റ് ഇട്ടിരിക്കുകയാണ് ഉണ്ണി. പോപ്പുലർ ഒപ്പീനിയൻസ് മലയാളം എന്ന ഗ്രൂപ്പിൽ വന്ന ഒരു പോസ്റ്റിൽ ഉണ്ണി മുകുന്ദനും അനുശ്രീയും ഇരുന്ന് സംസാരിക്കുന്ന ഒരു ഫോട്ടോയ്ക്കൊപ്പം ‘മലയാളികൾ കാത്തിരിക്കുന്ന ഇവരുടെ കല്ല്യാണം എന്ന് നടക്കും എന്ന് അറിയാനാണ്’ എന്നാണ് ക്യാപ്ഷൻ എഴുതിയിരിക്കുന്നത്. ഇതിൻറെ സ്ക്രീൻ ഷോട്ട് ഷെയർ ചെയ്ത് ഈ ടൈപ്പ് വാർത്തകൾ നിർത്താൻ ഞാൻ എത്ര പേമെൻറ് ചെയ്യണം? എന്നാണ് ഉണ്ണി ചോദിക്കുന്നത്. നിരവധി പേരാണ് ഉണ്ണി മുകുന്ദന് പിന്തുണയുമായി കമന്റ് രേഖപ്പെടുത്തിയിരിക്കുന്നത്.
അതേസമയം ‘ജയ് ഗണേഷ്’ ആണ് ഉണ്ണി മുകുന്ദന്റേതായി ഉടൻ പുറത്തിറങ്ങാനിരിക്കുന്ന ചിത്രം. ഏപ്രിൽ 11നാണ് ചിത്രത്തിന്റെ റിലീസ്
