അഭിനയ മികവുകൊണ്ടും സൗന്ദര്യം കൊണ്ടും തെന്നിന്ത്യൻ സിനിമയിൽ തന്റേതായ സ്ഥാനം നേടിയെടുത്ത താരമാണ് സമാന്ത. നിരവധി ആരാധക പിൻബലമുള്ള നായിക കുറച്ചു കാലമായി സിനിമയിൽ നിന്ന് ഇടവേളയെടുത്തിരിക്കുകയായിരുന്നു. ഇപ്പോൾ താരം തന്റെ മടങ്ങിവരവ് പ്രഖ്യാപിച്ചിരിക്കുകയാണ്. ഇതോടെ ആരാധകർ ഒന്നടങ്കം ആകാംക്ഷയിലാണ്.
സിനിമയിലൂടെയല്ല താരം തിരിച്ചുവരവിനൊരുങ്ങുന്നത്. പോഡ്കാസ്റ്റിലൂടെയാണ്. തന്റെ സുഹൃത്തിനൊപ്പം ഹെൽത്ത് പോഡ്‌കാസ്റ്റ് ചെയ്യാൻ പോകുന്നുവെന്നാണ് സാമന്ത സാമൂഹ്യ മാധ്യമത്തിലൂടെ ആരാധകരെ അറിയിച്ചത്. താൻ ഇത് ഒട്ടും പ്രതീക്ഷിക്കാത്ത ഒന്നായിരുന്നുവെന്നും എന്നാൽ വളരെയധികം ഇഷ്‌ടപ്പെടുന്നുവെന്നും താരം പറഞ്ഞു. അടുത്തയാഴ്‌ച പോഡ്‌കാസ്റ്റ് പുറത്തിറങ്ങുമെന്നും എല്ലാവർക്കും ഉപകാരപ്രദമാകുമെന്നാണ് പ്രതീക്ഷയെന്നും സമാന്ത വ്യക്തമാക്കി.
സിനിമയിൽ സജീവമായിരുന്ന താരം ചില വ്യക്തിപരമായ കാരണങ്ങളേത്തുടർന്ന് സിനിമയിൽ നിന്ന് ചെറിയ ഇടവേള എടുത്തിരുന്നു. പിന്നീട് കഴിഞ്ഞ വർഷം സിറ്റഡലൽ എന്ന വെബ്സീരിസിൽ സമാന്ത അഭിനയിച്ചു. എന്നാൽ അതിന് ശേഷം എല്ലുകൾക്ക് ബലക്ഷയവും ശരീരത്തിന് വേദനയും അനുഭവപ്പെടുന്ന മയോസൈറ്റിസ് രോഗത്തിന്റെ പിടിയിലാണ് താനെന്ന വെളിപ്പെടുത്തലായിരുന്നു താരം നടത്തിയത്. പിന്നീട് നീണ്ട നാളത്തെ ചികിത്സയ്ക്ക് ശേഷമാണ് താരം ആരോഗ്യം വീണ്ടെടുത്തത്.
