കളക്ഷൻ റെക്കോർഡുകൾ തകർത്ത് ഹൃത്വിക് റോഷന്റെ ‘ഫൈറ്റര്‍’. സിദ്ധാർഥ് ആനന്ദ് സംവിധാനം ചെയ്‌ത ഫൈറ്റർ ബോക്‌സ്ഓഫീസിൽ 250 കോടിയാണ് പിന്നിട്ടത്. ജനുവരി 25നായിരുന്നു ചിത്രം തിയേറ്ററിൽ റിലീസ് ചെയ്ത‌ത്.
എയർ ഫോഴ്സ് ഉദ്യോഗസ്ഥനായ ഷംഷേർ പത്താനിയ എന്ന കഥാപാത്രത്തെയാണ് ഹൃത്വിക് അവതരിപ്പിക്കുന്നത്. സ്ക്വാഡ്രൺ ലീഡർ മിനാൽ റാത്തോഡ് എന്ന കഥാപാത്രമായാണ് ദീപിക ചിത്രത്തിലെത്തുന്നത്. ഷാരൂഖ് ഖാൻ നായകനായ ‘പഠാന്’ ശേഷം സിദ്ധാർഥ് ആനന്ദ് സംവിധാനം ചെയ്‌ത ചിത്രമാണ് ഫൈറ്റർ. പഠാനും തിയേറ്ററിൽ വലിയ കളക്ഷനായിരുന്നു നേടിയത്.
രമോൺ ചിബ്, സിദ്ധാർഥ് ആനന്ദ് എന്നിവർ ചേർന്നാണ് ഫൈറ്ററിന്റെ തിരക്കഥ രചിച്ചിരിക്കുന്നത്. അനിൽ കപൂർ, കരൺ സിങ് ഗ്രോവർ, അക്ഷയ് ഒബ്റോയി, സഞ്ജീത ഷെയ്ക്ക് എന്നിവരാണ് ചിത്രത്തിലെ മറ്റ് പ്രധാന കഥാപാത്രങ്ങളെ അവതരിപ്പിച്ചത്. മലയാളിയായ സത്‌ചിത് പൗലോസാണ് ചിത്രത്തിന്റെ ഛായാഗ്രഹണം നിർവ്വഹിച്ചത്. ഷാരൂഖ് ഖാൻ്റെ പഠാൻ്റെയും ഛായാഗ്രാഹകൻ സത്ചിത്തായിരുന്നു.
