ഇന്ത്യയിൽ ഏകീകൃത സിവില്‍ കോഡ് ഉടൻ നടപ്പിലാക്കുമെന്ന് നടനും ബിജെപി നേതാവ് സുരേഷ് ഗോപി. ലോക്‌സഭാ തെരഞ്ഞെടുപ്പ് കഴിഞ്ഞാല്‍ ഏകീകൃത സിവില്‍ കോഡ് നടപ്പിലാക്കുമെന്ന് സുരേഷ് ഗോപി വ്യക്തമാക്കി. കേരളത്തിലെ അധമസര്‍ക്കാരിന്റെ മേല്‍ ഇടിത്തീ വീഴട്ടെ എന്ന് പ്രാര്‍ത്ഥിക്കുന്നു. സംസ്ഥാന സർക്കാരിന് എതിരെ ആരോപണങ്ങള്‍ കേട്ടാല്‍ പെറ്റതള്ള സഹിക്കില്ലെന്നും സുരേഷ് ഗോപി പറഞ്ഞു.
‘കെ റെയില്‍ വരും കേട്ടോ’ എന്ന് പറയുന്നത് പോലെയല്ല. യുസിസി രാജ്യത്ത് വന്നിരിക്കുമെന്ന് സുരേഷ് ഗോപി ഉറപ്പിച്ചു പറഞ്ഞു. ബിജെപി സംസ്ഥാന അധ്യക്ഷന്‍ കെ സുരേന്ദ്രന്‍ നയിക്കുന്ന സംസ്ഥാന പദയാത്രയുടെ ഭാഗമായി കണ്ണൂരില്‍ സംഘടിപ്പിച്ച പൊതുസമ്മേളനത്തില്‍ സംസാരിക്കവേയാണ് സുരേഷ് ഗോപി ഇക്കാര്യം വ്യക്തമായത്. തുല്യതയുടെ ഭാഗമാണ് ഏകീകൃത സിവില്‍ കോഡെന്നും സുരേഷ് ഗോപി കൂട്ടിച്ചേർത്തു.
