ആവശ്യമായ പെർമിറ്റില്ലാതെ ജോലി ചെയ്തിരുന്ന ചില സ്കൂൾ ബസ് ഡ്രൈവർമാരെയും ട്രാൻസ്‌പോർട്ട് അറ്റൻഡൻ്റുമാരെയും കണ്ടെത്തി ദുബായിലെ റോഡ്‌സ് ആൻഡ് ട്രാൻസ്‌പോർട്ട് അതോറിറ്റി (ആർടിഎ). 2023 ജൂലൈ മുതൽ ഡിസംബർ വരെയുള്ള കാലയളവിൽ സ്കൂൾ ബസുകളിൽ മൊത്തം 6,323 പരിശോധനകൾ നടത്തിയതായി ആർടിഎ പറഞ്ഞു.
സ്കൂൾ ട്രാൻസ്‌പോർട്ട് ഓപ്പറേറ്റർമാർ എത്ര നിയമലംഘനങ്ങൾ നടത്തിയെന്ന് ട്രാൻസ്‌പോർട്ട് അതോറിറ്റി വെളിപ്പെടുത്തിയിട്ടില്ല. പെർമിറ്റ് ഇല്ലാതെയുള്ള സ്കൂൾ ഗതാഗതം, സ്കൂൾ ബസുകൾ ഓടിക്കുന്നത് അനധികൃത ഡ്രൈവർ, സീറ്റുകൾ സംബന്ധിച്ച് ആർടിഎ അംഗീകരിച്ച സാങ്കേതിക നിബന്ധനകൾ അവഗണിക്കുക, സ്കൂൾ ബസുകളുടെ ഇൻ്റീരിയർ, എക്സ്റ്റീരിയർ രൂപങ്ങളുടെ അംഗീകൃത സാങ്കേതിക സവിശേഷതകൾ പാലിക്കാത്തത്. തുടങ്ങിയാണ് ആർടിഎ പരിശോധനകളുടെ ഭാഗമാക്കിയത്. ബസിനുള്ളിൽ അഗ്നിശമന ഉപകരണം, ജിപിഎസ് ട്രാക്കിംഗ് സംവിധാനം, ക്യാമറകൾ എന്നിവ ഇല്ലാത്തതുൾപ്പെടെ മറ്റ് ബസ് സുരക്ഷാ നിയമങ്ങളുടെ ലംഘനവും ആർടിഎ കണ്ടെത്തി.
സാധുവായ യുഎഇ ഡ്രൈവിംഗ് ലൈസൻസ് കൂടാതെ, ഒരു സ്കൂൾ ബസ് ഡ്രൈവർ ഡ്രൈവിംഗ് ലൈസൻസിൻ്റെ അതേ വിഭാഗത്തിലുള്ള പെർമിറ്റും ആർടിഎയിൽ നിന്ന് നേടിയിരിക്കണം. പെർമിറ്റ് ലഭിക്കുന്നതിന്, ഡ്രൈവർക്ക് 25 വയസ്സിന് താഴെയായിരിക്കരുത്, നല്ല പെരുമാറ്റം ഉണ്ടായിരിക്കണം, ക്രിമിനൽ റെക്കോർഡ് ഉണ്ടായിരിക്കരുത്. വൈദ്യശാസ്ത്രപരമായി ഫിറ്റായിരിക്കണം കൂടാതെ RTA അംഗീകരിച്ച ടെസ്റ്റുകളിൽ വിജയിക്കുകയും വേണം.
