തിരുവനന്തപുരം വിമാനത്താവളത്തിൽ 30 ഓളം യാത്രക്കാർ ദുരിതത്തിൽ. സൗദിയിലേക്ക് പോകേണ്ടവരാണ് വിമാനത്താവളത്തിൽ കുടുങ്ങി കിടക്കുന്നത്. യാത്ര ചെയ്യാനുള്ള സൗകര്യം നഷ്ടപ്പെട്ടതോടെയാണ് യാത്രികർ എയർപോർട്ടിൽ തന്നെ കുടുങ്ങിയത്. ഇന്ന് രാവിലെ 10:20 നുള്ള ശ്രീലങ്കൻ എയർലൈൻസിൽ പോകേണ്ടവരാണ് ഇവർ.
ഇന്നലെ സൗദിയിലേക്ക് പോകാനിരുന്ന വിമാനത്തിൽ പോകേണ്ടിയിരുന്നവരാണ് വിമാനം റദ്ദായതോടെ ഇപ്പോൾ തിരുവനന്തപുരം വിമാനത്താവളത്തിൽ ലക്ഷ്യസ്ഥാനത്ത് എത്താൻ കഴിയാതെ ദുരിതത്തിലായിരിക്കുന്നത്. മാത്രമല്ല, അതിന് പകരം സൗകര്യമെന്ന രീതിയിൽ ഇന്നത്തെ ടിക്കറ്റ് നൽകിയെങ്കിലും ചെറിയ വിമാനമായതിനാൽ കൊണ്ടുപോകാൻ കഴിയില്ലെന്നായിരുന്നു അധികൃതരുടെ നിലപാട്. നാളെ യാത്രാ സൗകര്യം ചെയ്തു തരാമെന്ന് ഉറപ്പു നൽകിയിട്ടുണ്ട്. എന്നാൽ ഇതിൽ പ്രതീക്ഷയില്ലെന്നാണ് യാത്രക്കാർ പറയുന്നത്.
