നടൻ ബിജുക്കുട്ടനെതിരെ പരാതിയുമായി യുവ സംവിധായകൻ രംഗത്ത്. ബിജുക്കുട്ടൻ അഭിനയിച്ച കള്ളന്മാരുടെ വീട് എന്ന സിനിമയുടെ സംവിധായകൻ ഹുസൈൻ അറോണിയാണ് പരാതിയുമായി രംഗത്തെത്തിയിരിക്കുന്നത്
സിനിമാ പ്രമോഷനുമായി ബിജുക്കുട്ടൻ സഹകിരക്കുന്നില്ലെന്നാണ് പരാതി.അഭിനയത്തിനും പ്രൊമോഷൻ പരിപാടികൾക്കും അഡ്വാൻസ് പണം വാങ്ങിയ താരം ഇപ്പോൾ സിനിമയുമായി ഒരു തരത്തിലും സഹകരിക്കുന്നില്ലെന്നും സംവിധായകൻ പറയുന്നു. ചിത്രത്തിലെ പ്രധാന താരങ്ങൾ എത്താതെ എങ്ങനെയാണ് പ്രമോഷൻ നടത്താൻ സാധിക്കുക. സിനിമയുടെ ഷൂട്ടിംഗ് കഴിയുമ്പോൾ താരങ്ങൾ പറയും പ്രമോഷൻ പരിപാടികൾ തുടങ്ങുന്നതിന് രണ്ട് ദിവസം മുൻപ് അറിയിച്ചാൽ മതിയെന്ന്. രണ്ട് മാസം മുൻപ് അറിയിച്ചാലും ഇവരാരും എത്തില്ല. എന്റെ സിനിമയിലെ കേന്ദ്ര കഥാപാത്രത്തെ അവതരിപ്പിക്കുന്നത് ബിജുക്കുട്ടനാണ്. ചിത്രത്തിൽ സീനിയർ ആർട്ടിസ്റ്റുകളടക്കം 32 ഓളം താരങ്ങൾ അഭിനയിച്ചിട്ടുമുണ്ട്. എന്നാൽ പ്രമോഷൻ പരിപാടികൾക്ക് വിളിച്ചാൽ ഇവർ ആരും എത്തുന്നില്ല.
തീയേറ്ററുടമകളടക്കം സിനിമയ്‌ക്ക് പ്രമോഷനുണ്ടോ എന്നാണ് ചോദിക്കുന്നത്. ചിത്രത്തിൽ ആറ് നടൻന്മാർ ശ്രദ്ധേയമായ കഥാപാത്രങ്ങളെ അവതരിപ്പിക്കുന്നുണ്ട് സംവിധായകൻ പറയുന്നു.
