‘മലൈക്കോട്ടൈ വാലിബൻ’ന്റെ പുത്തൻ ടീസർ പുറത്ത്. 30 സെക്കൻഡുള്ള ടീസറാണ് പുതുവർഷത്തിൽ റിലീസ് ചെയ്തിരിക്കുന്നത്. മോഹൻലാലിന്റെ മാസ് ലുക്കും കിടിലൻ ഡയലോഗുമാണ് ടീസറിൽ നിറഞ്ഞു നിൽക്കുന്നത്.
മോഹൻലാൽ–ലിജോ ജോസ് പെല്ലിശ്ശേരി ചിത്രം ‘മലൈക്കോട്ടൈ വാലിബൻ’ ഈ വർഷം മലയാളത്തിലെ ഏറ്റവും വലിയ റിലീസുകളിലൊന്നാണ്. മലൈക്കോട്ടൈ വാലിബൻ 2024 ജനുവരി 25 ന് തിയറ്ററുകളിലെത്തും. ജോൺ ആൻഡ് മേരി ക്രിയേറ്റീവ്, മാക്സ് ലാബ്, സെഞ്ച്വറി, സരിഗമ എന്നിവർ ചേർന്നാണ് നിർമാണം.
പി.എസ്. റഫീഖ് ആണ് മലൈക്കോട്ടൈ വാലിബന്റെ രചന. ഛായാഗ്രഹണം മധു നീലകണ്ഠനും സംഗീതം പ്രശാന്ത് പിള്ളയുമാണ്. സൊനാലി കുൽക്കർണി, ഹരീഷ് പേരടി, ഡാനിഷ് സെയ്ത്, മനോജ് മോസസ്, കഥ നന്ദി, മണികണ്ഠൻ ആചാരി എന്നിവരും മറ്റ് ശ്രദ്ധേയമായ കഥാപാത്രങ്ങളെ അവതരിപ്പിക്കുന്നുണ്ട്.
