വെള്ളപ്പൊക്കം മൂലം ദുരിതമനുഭവിച്ച 800 കുടുംബങ്ങൾക്ക് സഹായഹസ്‌തവുമായി വിജയ്. തിരുനെൽവേലി, തൂത്തുക്കുടി പ്രദേശങ്ങളിലെ കുടുംബങ്ങൾക്കാണ് വിജയ് നേരിട്ടെത്തി സഹായം നൽകിയത്. വെള്ളപ്പൊക്കം മൂലം ബുദ്ധിമുട്ടനുഭവിച്ച കുടുംബങ്ങളെ വിജയിയുടെ ഫാൻസ് അസോസിയേഷൻ തിരഞ്ഞെടുക്കുകയായിരുന്നു. അവർക്കാണ് ഇപ്പോൾ സഹായം നൽകിയത്.
He is always cool as a cucumber 😍#NellaiWelcomesThalapathy
— Vijay Fans Trends (@VijayFansTrends) December 30, 2023
ഭക്ഷണസാധനങ്ങളും മരുന്നുകളും ഉൾപ്പെടെയുള്ള അവശ്യവസ്‌തുക്കൾക്ക് പുറമെ 10,000 രൂപ മുതൽ 50,000 രൂപ വരെയും ധനസഹായം വിതരണം ചെയ്തു. കൂടാതെ വെള്ളപ്പൊക്കത്തിൽ വീടും കുടുംബാംഗങ്ങളും നഷ്‌ടപ്പെട്ട ഒരു സ്ത്രീക്ക് ഒരു ലക്ഷം രൂപയും താരം നൽകി. അർഹരായവർക്ക് ഇനിയും സഹായം നൽകുമെന്ന് വിജയ് പറഞ്ഞതായും റിപ്പോർട്ടുകളുണ്ട്.
Watch | விஜய்யை பார்த்ததும் உற்சாகத்தில் துள்ளிக் குதித்த பெண்!#SunNews | #Nellai | @actorvijay pic.twitter.com/73imqN17Og
— Sun News (@sunnewstamil) December 30, 2023
വിജയിയുടെ ഈ പ്രവൃത്തി അദ്ദേഹത്തിൻ്റെ രാഷ്ട്രീയ പ്രവേശനത്തിന് മുന്നോടിയാണെന്നാണ് റിപ്പോർട്ടുകൾ ഉയരുന്നത്. തൻ്റെ രാഷ്ട്രീയ പ്രവേശനം ഔദ്യോഗികമായി പ്രഖ്യാപിക്കുന്നതിന് മുമ്പ് ജനങ്ങൾക്കിടയിൽ താത്പര്യം വളർത്താനുള്ള പ്രവർത്തനത്തിന്റെ ഭാഗമാണ് ഇവയെന്നും റിപ്പോർട്ടുകൾ പുറത്തുവരുന്നുണ്ട്. എന്തായാലും താരത്തിന്റെ ഈ പ്രവൃത്തിയെ നിരവധി പേരാണ് അഭിനന്ദിക്കുന്നത്.
Watch | நெல்லை: வெள்ளத்தால் பாதிக்கப்பட்டவர்களுக்கு நிவாரணம் வழங்கும் விழாவில், மக்களுடன் செல்ஃபி எடுத்துக் கொண்ட நடிகர் விஜய்!#SunNews | #Nellai | @actorvijay pic.twitter.com/limqDB05yR
— Sun News (@sunnewstamil) December 30, 2023
