സൗദിയിൽ വാഹനം വിൽക്കാനുള്ള നടപടികൾ ഇനി ‘അ​ബ്ഷി​ർ’ വ​ഴി സ്വയം പൂ​ർ​ത്തി​യാ​ക്കാം

വാ​ഹ​നം വി​ൽക്കുന്നതുമായി ബന്ധപ്പെട്ട നി​യ​മ​ന​ട​പ​ടി​ക​ൾ ‘അ​ബ്ഷി​ർ’ വ​ഴി സ്വ​യം പൂർത്തിയാക്കാൻ കഴിയുമെന്ന് ട്രാ​ഫി​ക്​ വ​കു​പ്പ്​ വ്യ​ക്ത​മാ​ക്കി. സൗ​ദി ആ​ഭ്യ​ന്ത​ര മ​ന്ത്രാ​ല​യ​ത്തി​​ന്‍റെ ഇ​ല​ക്ട്രോ​ണി​ക് പ്ലാ​റ്റ്ഫോ​മാണ് അ​ബ്ഷി​ർ. അ​ബ്​​ഷി​റി​ൽ ‘വാ​ഹ​ന വി​ൽ​പ്പ​ന’ സേ​വ​ന​ത്തി​ന് അ​നു​വ​ദി​ക്കു​ന്ന​താ​ണെ​ന്ന്​ ട്രാ​ഫി​ക് വ​കു​പ്പ്​ വി​ശ​ദീ​ക​രി​ച്ചു.

ആദ്യം വാ​ങ്ങു​ന്ന​യാ​ൾ വാ​ഹ​നം ക​ണ്ട്​ വി​ല നി​ശ്ച​യി​ച്ച്​ വി​ൽ​പ്പ​ന പൂ​ർ​ത്തി​യാ​ക്കാ​ൻ വാ​ഹ​ന​യു​ട​മ​യു​മാ​യി ധാ​ര​ണ​യി​ലെ​ത്ത​ണം. ഇതിന് ശേ​ഷം അ​ബ്​​ഷി​ർ ആ​പ്ലി​ക്കേ​ഷ​ൻ​ ഓ​പ​ൺ ചെ​യ്​​ത്​ ‘വാ​ഹ​ന വി​ൽ​പ​ന’ എ​ന്ന സേ​വ​ന​ത്തി​ലൂ​ടെ നി​യ​മ​ന​ട​പ​ടി​ക​ൾ പൂ​ർ​ത്തി​യാ​ക്ക​ണം. അതേസമയം കേ​ടാ​യ​തോ ന​ഷ്​​ട​പ്പെ​ട്ട​തോ ആ​യ ന​മ്പ​ർ പ്ലേ​റ്റു​ക​ൾ മാ​റ്റി​സ്ഥാ​പി​ക്കുന്നതിന് ‘പ്ലേ​റ്റ് മാ​റ്റി​സ്ഥാ​പി​ക്ക​ൽ സേ​വ​ന’​വും അ​ബ്​​ഷി​ർ ആ​പ്പി​ലു​ണ്ട്. ട്രാ​ഫി​ക് ഓ​ഫി​സ്​ സ​ന്ദ​ർ​ശി​ക്കാതെ തന്നെ ആവശ്യക്കാരന് വേണ്ട സ​വി​ഷേ​ശ​ത​ക​ളി​ൽ ന​മ്പ​ർ പ്ലേ​റ്റു​ക​ൾ ഓ​ർ​ഡ​ർ ചെ​യ്യാ​നാ​കു​മെ​ന്നും ട്രാ​ഫി​ക്​ വ​കു​പ്പ്​ പ​റ​ഞ്ഞു.