ഖത്തറില്‍ വധശിക്ഷയ്ക്ക് വിധിക്കപ്പെട്ട എട്ട് ഇന്ത്യന്‍ നാവികരുടെ ശിക്ഷ റദ്ദാക്കി. പകരം വധശിക്ഷ ജയില്‍ ശിക്ഷയായി കുറച്ചു. ഇന്ത്യൻ നേവിയിൽ നിന്ന് വിരമിച്ച ശേഷം ഖത്തറിലെ ഒരു പ്രതിരോധ സേവന കമ്പനിയിൽ ജോലി ചെയ്ത് വരികയായിരുന്ന ഉദ്യോഗസ്ഥരാണ് 2022ൽ തടവിലാക്കപ്പെട്ടത്.
പൂർണേന്ദു തിവാരി, സുഗുണകര്‍ പകല, അമിത് നാഗ്പാൽ, നവ്തേജ് സിങ് ഗിൽ, സഞ്ജീവ് ഗുപ്ത, ബിരേന്ദ്രകുമാർ വർമ, സൗരഭ് വസിഷ്ഠ്, രാഗേഷ് ഗോപകുമാർ എന്നിവരെയാണ് ഖത്തർ കോടതി വധശിക്ഷയ്ക്ക് വിധിച്ചത്.
