ലോകത്തിലെ ഏറ്റവും വലിയ പുസ്തക വില്പന മേളയായ ‘ബിഗ് ബാഡ് വുൾഫ്’ പ്രദർശനം ഷാർജയിൽ സംഘടിപ്പിക്കും. ഡിസംബർ 19 മുതൽ ജനുവരി 7 വരെ ഷാർജ എക്സ്പോ സെന്ററിലാണ് പുസ്തക മേള നടത്തപ്പെടുക. ഷാർജ ബുക്ക് അതോറിറ്റിയുമായി സഹകരിച്ചാണ് ബിഗ് ബാഡ് വുൾഫ് ഈ മേള സംഘടിപ്പിക്കുന്നത്.
ഷാർജയിൽ ആദ്യമായാണ് ബിഗ് ബാഡ് വുൾഫ് പ്രദർശനം നടത്തുന്നത്. 19 മുതൽ എല്ലാ ദിവസവും രാവിലെ 10 മണി മുതൽ രാത്രി 12 മണി വരെയാണ് മേളയിലേയ്ക്ക് പൊതുജനങ്ങൾക്ക് പ്രവേശനം അനുവദിക്കുക. സൗജന്യമായി പ്രവേശനം അനുവദിക്കുന്ന മേളയിൽ എല്ലാ പ്രായ വിഭാഗത്തിൽപ്പെടുന്നവർക്കുമുള്ള പുസ്തകങ്ങൾ ഉൾപ്പെടുത്തിയിട്ടുണ്ടെന്ന് സംഘാടകർ അറിയിച്ചു.
