മുഖ്യമന്ത്രി പിണറായി വിജയന്റെ ആലയിൽ കെട്ടാനുള്ള പശുവല്ല മുസ്ലീം ലീഗ് എന്ന് മുതിർന്ന ലീഗ് നേതാവ് എം.കെ. മുനീർ. പലസ്തീൻ ഐക്യദാർഢ്യ റാലിയിലേക്ക് ഉൾപ്പെടെ സിപിഎം ലീഗിനെ ക്ഷണിച്ചത് വലിയ ചർച്ചകൾക്ക് വഴിവെച്ചിരുന്നു. കൂടാതെ കേരള ബാങ്കിന്റെ ഭരണസമിതിയിലേക്ക് ലീഗ് എംഎൽഎയെ ഉൾപ്പെടുത്തിയിരുന്നു. ഇതിന് പിന്നാലെയാണ് എംകെ മുനീറിന്റെ പ്രതികരണം.
മുസ്ലീം ലീഗ് യുഡി എഫിന്റെ അവിഭാജ്യ ഘടകമാണ്. ഒരു മുന്നണിയിൽ നിൽക്കുമ്പോൾ മറ്റൊരു മുന്നണിയെ പ്രണയിക്കുന്ന പാരമ്പര്യം ലീഗിനില്ലെന്നും എംകെ മുനീർ പറഞ്ഞു.
പലകാര്യങ്ങളിലായി ലീഗിന് അനുകൂലമായുള്ള സർക്കാരിൻറെയും സിപിഎമ്മിൻറെയും തീരുമാനങ്ങൾ യുഡിഎഫിൽ പ്രശ്നങ്ങൾക്കിടയാക്കുന്നതിനിടെയാണ് ഇക്കാര്യത്തിൽ രൂക്ഷ വിമർശനവുമായി എം.കെ. മുനീർ രംഗത്തെത്തിയത്.
