ഗാസ മുനമ്പിൽ സ്ഥാപിക്കുന്ന ഫീൽഡ് ഹോസ്പിറ്റലിന്റെ നിർമ്മാണത്തെ പിന്തുണയ്ക്കുന്നതിനായി സാമഗ്രികളും ഉപകരണങ്ങളും വഹിക്കുന്ന ആറ് വിമാനങ്ങൾ കൂടി യുഎഇ അയച്ചു.
അബുദാബിയിൽ നിന്ന് ഈജിപ്തിലെ അൽ-അരിഷ് ഇന്റർനാഷണൽ എയർപോർട്ടിലേക്ക് പുറപ്പെട്ട വിമാനം, പലസ്തീൻ ജനതയെ പിന്തുണയ്ക്കുന്നതിനായി ആരംഭിച്ച യുഎഇയുടെ ഓപ്പറേഷൻ ‘ഗാലന്റ് നൈറ്റ് 3’ എന്ന സഹായ സംരംഭത്തിന്‍റെ ഭാഗമാണ്.
ഗാസയിലെ ആരോഗ്യ മേഖലയെ പിന്തുണയ്ക്കാനുള്ള യുഎഇയുടെ നീക്കത്തിന് അനുസൃതമായി, ഫീൽഡ് ആശുപത്രി പ്രവർത്തിപ്പിക്കുന്നതിന് ആവശ്യമായ ഉപകരണങ്ങളും വസ്തുക്കളും വഹിച്ചുകൊണ്ട് യുഎഇയുടെ അഞ്ച് വിമാനങ്ങളും ഇന്നലെ അൽ-അരിഷ് അന്താരാഷ്ട്ര വിമാനത്താവളത്തിൽ എത്തിച്ചേർന്നു.
