അലൈൻ സെൻ്റ് ഡയനീഷ്യസ് ഓർത്തഡോക്‌സ് ദേവാലയത്തിലെ ‘കൊയ്ത്തുൽസവം 2023’ നവംബർ 4 ശനിയാഴ്ച സന്ധ്യക്ക് 6:30 മുതൽ നടക്കും. ദേവാലയ അങ്കണത്തിൽ വിവിധ പരിപാടികളും കൊയ്തുത്സവത്തിൻ്റെ ഭാഗമായി സംഘടിപ്പിച്ചിട്ടുണ്ട്. മലയാളിയുടെ ഗൃഹാതുരത്വമുണർത്തുന്ന ഉത്സവപ്രതീതി പുനഃരാവിഷ്ക്കരിക്കുകയാണ്‌ അലൈൻ ഓർത്തഡോക്‌സ് ദേവാലയമെന്ന് ഭാരവാഹികൾ അറിയിച്ചു.
കലാപരിപാടികളുടെ ഭാഗമായി ‘ബുള്ളറ്റ്സ്’ ബാൻഡിൻ്റെ സംഗീയപ്രകടങ്ങളും അരങ്ങേറും. ഹാസ്യാവതരണത്തിന്‌ ‘കോമഡി സ്റ്റാർ ഫേം സമദും’ ചടുലനൃത്തച്ചുവടുകളുമായി ‘സ്റ്റെപ്പ് ആൻഡ് ബീട്സും’കൊയ്തുത്സവത്തെ ആഘോഷമാക്കും. കൊയ്ത്തുൽസവത്തിന്റെ ഒരുക്കങ്ങൾ പൂർത്തിയായി വരുന്നതായി ഇടവക വികാരി റവ.ഫാ.ജോൺസൺ ഐപ്പ്, ട്രസ്റ്റി ജേക്കബ് കെ. ഏബ്രഹാം, സെക്രട്ടറി ഫിലിപ്പ് എൻ. തോമസ് തുടങ്ങിയവർ അറിയിച്ചു.
