മലയാളികൾക്ക് വളരെ പ്രീയപ്പെട്ട താരകുടുംബമാണ് സംവിധായകൻ ഫാസിലിന്റേത്. ഫഹദ് ഫാസിലും നസ്രിയയും ഉൾപ്പെട്ട കുടുംബത്തിന്റെ വിശേഷങ്ങൾ അറിയാൻ പ്രേക്ഷകർക്ക് എക്കാലവും വലിയ താത്പര്യവുമാണ്. ഇപ്പോൾ ഫഹദിന്റെ കുടുംബത്തിനൊപ്പം നസ്രിയ പങ്കുവച്ച ചിത്രമാണ് സാമൂഹ്യമാധ്യമങ്ങളിൽ ശ്രദ്ധേയമാകുന്നത്.
മലയാള സിനിമയ്ക്ക് എക്കാലത്തെയും മികച്ച ഹിറ്റുകൾ സമ്മാനിച്ച ഫാസിൽ ഭാര്യയ്ക്കും മക്കൾക്കും മരുമക്കൾക്കും പേരക്കുട്ടികൾക്കുമൊപ്പം സന്തോഷത്തോടെ ഇരിക്കുന്നതാണ് ചിത്രത്തിൽ കാണാൻ സാധിക്കുന്നത്. മക്കളായ ഫഹദ് ഫാസിൽ, ഫർഹാൻ ഫാസിൽ, മരുമകൾ നസ്രിയ എന്നിവർക്ക് പുറമെ ഫഹദിന്റെയും ഫർഹാന്റെയും സഹോദരിമാരായ അഹമ്മദയും ഫാത്തിമയും അവരുടെ ഭർത്താക്കന്മാരും മക്കളും ചിത്രത്തിലുണ്ട്.
നിരവധി പേരാണ് കുടുംബത്തോടുള്ള സ്നേഹം അറിയിച്ച് എത്തിയിരിക്കുന്നത്. പുഷ്പ 2, ആവേശം, തലൈവർ 170 എന്നീ പ്രോജക്ടുകളാണ് ഫഹദിന്റേതായി നിലവിൽ അണിയറയിൽ ഒരുങ്ങുന്ന ചിത്രങ്ങൾ. ഒരിടവേളയ്ക്ക് ശേഷം സുധ കൊങ്കരയുടെ പുതിയ തമിഴ് സിനിമയിൽ സൂര്യയ്ക്കും ദുൽഖർ സൽമാനുമൊപ്പം നസ്രിയയും പ്രധാന വേഷത്തിലെത്തി തിരിച്ചുവരവിനൊരുങ്ങുകയാണ്.
