യുഎസ് മേജർ ലീഗ് സോക്കറിന്റെ (എംഎൽഎസ്) ഈ വർഷത്തെ മികച്ച പുതുമുഖ താരം പുരസ്കാരത്തിനുള്ള അന്തിമപട്ടികയിൽ ഇടംനേടി ലയണൽ മെസ്സി. പട്ടികയിൽ മൂന്നാം സ്ഥാനത്താണ് മെസ്സി ഉൾപ്പെട്ടിരിക്കുന്നത്. അർജന്റീന താരമായ മെസ്സി ജൂലൈയിലാണ് ഇന്റർ മിയാമിയിലെത്തിയത്.
ഈ സീസണിൽ മിയാമിക്ക് വേണ്ടി ആറ് മത്സരങ്ങളാണ് താരം കളിച്ചത്. എന്നാൽ ഇതിനോടകം എംഎൽഎസ് ലീഗ് കപ്പിൽ 11 ഗോളുകളാണ് മെസ്സി നേടിയിട്ടുണ്ട്. ഇതിന് പുറമെ 8 ഗോളുകൾക്ക് താരം വഴിയൊരുക്കുകയും ചെയ്തിരുന്നു. സൂപ്പർ താരത്തിന്റെ വരവോടെ ഇന്റർ മിയാമി മികച്ച മുന്നേറ്റമാണ് കാഴ്ചവെച്ചത്. ചുരുങ്ങിയ കാലത്തിനുള്ളിലെ ഈ പ്രകടനങ്ങളാണ് മെസ്സിയെ മികച്ച പുതുമുഖ താരത്തിനുള്ള പുരസ്കാര പട്ടികയിൽ മുൻപന്തിയിലെത്തിച്ചത്.
