ടോൺസായിയിലെ മലയിടുക്കിലൂടെ കയറിപോകുന്ന പ്രണവിന്റെ വീഡിയോ മുൻപ് വൈറലായിരുന്നു. ഇപ്പോഴിതാ കൂറ്റൻ പാറയിൽ ആയാസമില്ലാതെ പ്രണവ് കയറുന്ന ഒരു വീഡിയോ പുറത്തുവന്നിരിക്കുന്നു. പിന്നാലെ കമെന്റ് ബോക്സ്‌ നിറഞ്ഞുകവിഞ്ഞിരിക്കുകയാണ്. ‘മല്ലു സ്പൈഡർമാൻ വീണ്ടും വന്നല്ലോ, ചെക്കൻ വേറെ ട്രാക് ആണ്, അയാൾ അയാളുടെ ഇഷ്ടത്തിന് ലൈഫ് എൻജോയ് ചെയ്യുന്നു’, എന്നിങ്ങനെ പോകുന്നു ആരാധകരുടെ കമന്റുകൾ.
മുൻപ് ടോൺസായിയിലെ മലയിടുക്കിലൂടെ കയറുന്ന പ്രണവിന്റെ 2017ലെ തായ്ലാൻഡ് യാത്രയ്ക്കിടെ എടുത്ത വീഡിയോ വൈറൽ ആയിരുന്നു. പണ്ടേ സാഹസിക യാത്രകൾ നടത്തുന്ന പ്രണവിന്റെ വീഡിയോകളും ചിത്രങ്ങളും ഒരുപാട് പുറത്തുവന്നിട്ടുണ്ട്. ഹിമാലയൻ വഴികളിലൂടെ ഒരു ബാഗും തോളിൽ തൂക്കി യാത്ര പോകുന്ന പ്രണവിന്റെ ചിത്രങ്ങൾ കണ്ടാണ് ആരാധകർ അയാളെ ഇഷ്ടപെട്ടത്.
ഹൃദയമാണ് പ്രണവിന്റേതായി ഒടുവിൽ പുറത്തിറങ്ങിയ ചിത്രം. പ്രണവ് നായകനാവുന്ന മൂന്നാമത്തെ ചിത്രവുമായിരുന്നു ഹൃദയം.
