മമ്മൂട്ടിയുടെ യഥാർ‌ത്ഥ ചിത്രം എന്ന പേരിൽ സോഷ്യൽ മീഡിയയിൽ ഒരു ചിത്രം പ്രചരിച്ചിരുന്നു. ചുളിവ് വീണ മീശ നരച്ച മമ്മൂട്ടി. ചിത്രം വൈറലായതിന് പിന്നാലെ സത്യാവസ്ഥ വെളിപ്പെടുത്തുന്ന വീഡിയോയാണ് ഇപ്പോൾ പുറത്തെത്തിയത്.
മമ്മൂട്ടിഫാൻസ് ഭാരവാഹിയാണ് വീഡിയോ പങ്കുവെച്ചത്. വൈറലായ ചിത്രം ഫോട്ടോഷോപ്പ് ചെയ്തതാണ് എന്ന് വെളിപ്പെടുത്തുന്ന വീഡിയോയാണ് പുറത്ത് വന്നിരിക്കുന്നത്.
“ഒരുപാട്പേരെ അസൂയപ്പെടുത്തുന്ന നിത്യ യൗവ്വനത്തിന് ചുളിവും നരയും നൽകിയ ഡിജിറ്റൽ തിരക്കഥയുടെ വഴി: കാലത്തിന് തോൽപ്പിക്കാനായില്ല, പിന്നെ അല്ലേ ഫോട്ടോഷോപ്പിന്”എന്നാണ് ഫാൻസ് ഫേസ്ബുക്കിൽ കുറിച്ചിരിക്കുന്നത്.
