കുവൈറ്റിൽ നിന്ന് കണ്ണൂരിലേക്ക് അധിക സർവീസ് പ്രഖ്യാപിച്ച് എയർ ഇന്ത്യ എക്സ്പ്രസ്സ്‌. ഈ മാസം 30 മുതൽ എയർ ഇന്ത്യ എക്സ്പ്രസ് ആഴ്ചയിൽ രണ്ടു സർവിസ് നടത്തും. നിലവിലുള്ള വ്യാഴാഴ്ചയ്ക്ക് പുറമെ തിങ്കളാഴ്ചയാണ് അധിക സർവിസ് ആരംഭിക്കുന്നത്.
തിങ്കളാഴ്ചകളിൽ പുലർച്ച 4.40ന് കണ്ണൂരിൽ നിന്ന് പുറപ്പെടുന്ന വിമാനം 7.40ന് കുവൈറ്റിൽ എത്തും. തിരിച്ച് കുവൈറ്റിൽ നിന്ന് 8.40ന് പുറപ്പെട്ട് വൈകീട്ട് നാലിന് കണ്ണൂരിലെത്തുകയും ചെയ്യുന്ന രീതിയിലാണ് സർവീസ്. ആഴ്ചയിൽ രണ്ടു സർവിസുകൾ ആരംഭിക്കുന്നതോടെ കുവൈറ്റ്-കണ്ണൂർ യാത്രക്കാർക്ക് ആശ്വാസമാകുമെന്നാണ് കരുതുന്നത്. അതേസമയം നവംബർ മുതൽ കോഴിക്കോട്ടേക്ക് നടത്തുന്ന സർവീസ് ദിവസങ്ങളിൽ മാറ്റം വരും. എന്നാൽ ചൊവ്വ, വെള്ളി ദിവസങ്ങളിൽ കുവൈറ്റ് സർവിസ് ഉണ്ടാകില്ല.
