നടൻ പ്രഭാസിന് ഇന്ന് 44-ാം പിറന്നാൾ. താരത്തിന്റെ പിറന്നാൾ ആഘോഷമാക്കുകയാണ് ആരാധകർ. നിരവധി താരങ്ങളാണ് പ്രഭാസിന് ജന്മദിനാശംസകൾ അറിയിക്കുന്നത്. നടൻ പൃഥ്വിരാജും പ്രഭാസിന് ജന്മദിനാശംസകൾ നേർന്നു. പ്രഭാസിന്റെ പുതിയ ചിത്രമായ സലാറിൽ വർദ്ധരാജ മന്നാർ എന്ന സുപ്രധാന കഥാപാത്രത്തെ പൃഥ്വിരാജ് അവതരിപ്പിക്കുന്നുണ്ട്. ‘യുദ്ധത്തിന് നിങ്ങൾ നിങ്ങളുടെ സൈന്യത്തെ കൊണ്ടുവന്നു, ഞാൻ അവനെ കൊണ്ടുവന്നു’ എന്ന ചിത്രത്തിലെ വർദ്ധരാജ മന്നാരുടെ വാക്കുകൾ പങ്കുവെച്ചാണ് പൃഥ്വിരാജ് താരത്തിന് പിറന്നാൾ ആശംസ നേർന്നത്.
ഡിസംബർ 22-നാണ് സലാർ തിയേറ്ററുകളിൽ എത്തുന്നത്. കൽക്കി, സലാർ എന്നിങ്ങനെ ബിഗ് ബജറ്റ് ചിത്രങ്ങളാണ് ഇനി പ്രഭാസിന്റേതായി പുറത്തിറങ്ങാനിരിക്കുന്നത്. സാമൂഹ്യ മാധ്യമമായ എക്സിലൂടെ പ്രഭാസ് നായകനാകുന്ന സലാറിലെ പ്രത്യേക ചിത്രമാണ് താരത്തിന് പിറന്നാൾ സമ്മാനമായി ടീം അംഗങ്ങൾ പുറത്തുവിട്ടത്. കൂടാതെ ജന്മദിനത്തലേന്ന് നിരവധി ആരാധകരാണ് പ്രഭാസിന്റെ പടുകൂറ്റൻ ചിത്രത്തിന് മുന്നിൽ പാട്ടും ഡാൻസുമായി ഒത്തുകൂടി ആശംസ അറിയിച്ചത്.
