സ്ഥിരമായി ലോട്ടറി എടുക്കാറുണ്ട്. ഒന്നാം സമ്മാനം പ്രതീക്ഷച്ചില്ല ഇതുവരെ! എന്തെങ്കിലും കിട്ടായാൽ മതി. അങ്ങനെ ലോട്ടറി റിസൾട്ട് ചെക്ക് ചെയ്തപ്പോൾ ചെറിയ സമ്മാനം ഒന്നും അടിച്ചില്ല. പിന്നാലെ ലോട്ടറി ചുരുട്ടി എറിഞ്ഞു. എന്നിട്ടും ഒരു സംശയം , ഇനി എങ്ങാനും അടിച്ചാലോ? ദാ നോക്കിയപ്പോൾ ഒന്നാം സമ്മാനം. ഒരു കോടി!
കോട്ടയം മൂലവട്ടം ചെറുവീട്ടില്‍ വടക്കേതില്‍ സി കെ സുനില്‍കുമാറിനാണ്(53) ഒന്നാം സമ്മാനം അടിച്ചത്. പൂവന്തുരുത്ത് പ്ലാമ്മൂട് സ്റ്റാന്‍ഡിലെ ഓട്ടോഡ്രൈവറാണ് സുനിൽ കുമാർ. ഫിഫ്റ്റി-ഫിഫ്റ്റി ലോട്ടറിയുടെ ഒന്നാം സമ്മാനമാണ് സുനില്‍കുമാറിന് ലഭിച്ചത്. ഒരു കോടിരൂപയാണ് സമ്മാന തുക.
വ്യാഴാഴ്ച പത്രത്തില്‍ ടിക്കറ്റിന്റെ ഫലം നോക്കുകയായിരുന്നു സുനിൽ കുമാർ ചെറിയ സമ്മാനങ്ങളുടെ നമ്പറുകള്‍ ഒത്തുനോക്കിയെങ്കിലും സമ്മാനം ഒന്നുമില്ലെന്ന് കണ്ടതിനെ തുടര്‍ന്ന് ടിക്കറ്റ് വീട്ടിലെ ചവറ്റുകൊട്ടയില്‍ ഉപേക്ഷിക്കുകയായിരുന്നു. ഒന്നൂകൂടി ഫലം നോക്കുകയും അതിനിടയിൽ ഒന്നാം സമ്മാന നമ്പർ ശ്രദ്ധയിൽപ്പെടുകയും ചെയ്തതോടെ ഭാഗ്യം തുണയ്ക്കുകയായിരുന്നു.
