29ാമത് ഇന്‍റർനാഷനൽ എയർ ട്രാൻസ്പോർട്ട് എക്സിബിഷൻ ബഹ്റൈനിൽ നടക്കും. കഴിഞ്ഞ ദിവസം ഇസ്താംബൂളിൽ സമാപിച്ച 28ാമത് എക്സിബിഷനിൽ വെച്ച് ഗൾഫ് എയർ ഹോൾഡിങ് ഗ്രൂപ് ഡയറക്ടർ ബോർഡ് ചെയർമാൻ സായിദ് ബിൻ റാഷിദ് അൽ സയാനി ബഹ്‌റൈൻ ആതിഥേയത്വം ഏറ്റുവാങ്ങി.
ഇസ്താംബൂൾ എയർപോർട്ട് സി.ഇ.ഒ സെലഹാറ്റിൻ ബിൽഗൻ ചടങ്ങിന് ആതിഥേയത്വം വഹിച്ചു. ലോകമെമ്പാടുമുള്ള 3000 പേരുടെ സാന്നിധ്യത്തിൽ നടന്ന ചടങ്ങിലായിരുന്നു പ്രഖ്യാപനം നടന്നത്. കൂടാതെ എയർ കമ്പനികൾക്ക് മികച്ച അവസരമാണ് ഇത്തരമൊരു എക്സിബിഷൻ വഴി ലഭിക്കുകയെന്ന് മന്ത്രി വ്യക്തമാക്കി. ഏവിയേഷൻ രംഗത്ത് മികച്ച അവസരങ്ങൾക്കുള്ള വാതായനങ്ങൾ ഇതുവഴി തുറന്നിടാൻ കഴിയുമെന്നും പ്രതീക്ഷിക്കുന്നതായും അദ്ദേഹം കൂട്ടിച്ചേർത്തു.
