ഇറാനിൽ ഭൂചലനം; യുഎഇയിലും നേരിയ പ്രകമ്പനം അനുഭവപ്പെട്ടു

യുഎഇയിൽ നേരിയ ഭൂചലനം അനുഭവപ്പെട്ടു. ഇറാനിൽ മൂന്നാം തവണയും ഭൂചലനമുണ്ടായിരുന്നു. ഇതിന്റെ പ്രകമ്പനമാണ് യുഎഇയിലുമുണ്ടായത്.

വടക്കൻ യുഎഇയിൽ താമസിക്കുന്ന ആളുകൾക്ക് നേരിയ പ്രകമ്പനം അനുഭവപ്പെട്ടതായി നാഷണൽ സെന്റർ ഫോർ മെറ്റീരിയോളജി അറിയിച്ചു.

ഇറാനിൽ ചൊവ്വാഴ്ച ഉച്ചയ്ക്ക് യുഎഇ സമയം 12.22 മണിക്കാണ് 5.6 തീവ്രത രേഖപ്പെടുത്തിയ ഭൂചലനം ഇറാനിലുണ്ടായത്. ഇന്ന് തന്നെ ഇത് മൂന്നാം തവണയാണ് ഇറാനിൽ ഭൂചലനമുണ്ടാകുന്നത്. രാവിലെ 9.10നും 8.59നും റിക്ടർ സ്‌കെയിലിൽ യഥാക്രമം 6.0, 5.5 തീവ്രത രേഖപ്പെടുത്തിയ ഭൂചലനങ്ങൾ ഇറാനിൽ അനുഭവപ്പെട്ടിരുന്നു.