സൗദിയിൽ പണപ്പെരുപ്പം വർധിച്ചതിനേത്തുടർന്ന് ജീവിതച്ചെലവ് താങ്ങാവുന്നതിലും അപ്പുറമായി. ഇതോടെ വെള്ളം, വൈദ്യുതി, ഗ്യാസ്, ഭവന, അപ്പാർട്ട്മെന്‍റ് എന്നിവയുടെ വാടക ക്രമാതീതമായി വർധിച്ചു. ഭവന വാടകയിൽ 9.8 ശതമാനവും അപ്പാർട്ടമെന്റ് വാടകയിൽ 19.8 ശതമാനവും വർധനവുണ്ടായതായി ജനറൽ അതോറിറ്റി ഫോർ സ്റ്റാറ്റിസ്റ്റിക്സ് പുറത്തുവിട്ട റിപ്പോർട്ടുകൾ വ്യക്തമാക്കി. ഇത് രാജ്യത്തിന്റെ പണപ്പെരുപ്പം 21 ശതമാനം വരെ വർധിക്കുന്നതിന് കാരണമായതായും അധികൃതർ വ്യക്തമാക്കി.
മുൻ വർഷത്തെ അപേക്ഷിച്ച് രാജ്യത്തെ ഉപഭോക്തൃ വില സൂചിക കഴിഞ്ഞ സെപ്റ്റംബറിൽ 1.7 ശതമാനത്തിൽ എത്തിയിരുന്നു. കഴിഞ്ഞ വർഷം ഇതേ മാസത്തെ അപേക്ഷിച്ച് സെപ്തംബറിലെ പണപ്പെരുപ്പം വർധിച്ചതോടെ ഭവനം, വെള്ളം, വൈദ്യുതി, ഗ്യാസ്, മറ്റ് ഇന്ധനങ്ങൾ എന്നിവയുടെ വിലയിൽ 8.1% വർധനയുണ്ടായി. കൂടാതെ റെസ്റ്റോറന്റുകൾ, ഹോട്ടലുകൾ എന്നിവയുടെ വിലയിൽ 2.5 ശതമാനം വർധനവുണ്ടായതായും ജനറൽ അതോറിറ്റി ഫോർ സ്റ്റാറ്റിസ്റ്റിക്സ് വ്യക്തമാക്കി.
