ഇ-കോൺട്രാക്ട് സംവിധാനം നവീകരിച്ചതായി ഖത്തർ തൊഴിൽ മന്ത്രാലയം അറിയിച്ചു. തൊഴിൽ കരാറുകളുടെ ആധികാരികത ഡിജിറ്റൽ മാർഗങ്ങളിലൂടെ പരിശോധിക്കുന്നതിനായാണ് ഇ-കോൺട്രാക്ട് സംവിധാനം മന്ത്രാലയം ആരംഭിച്ചത്. ഇതുവഴി സ്വകാര്യ മേഖലയിലെ ജീവനക്കാർക്ക് തങ്ങളുടെ തൊഴിൽ കരാറിലെ വ്യവസ്ഥകൾ പരിശോധിക്കുന്നതിനും അവ അംഗീകരിക്കുന്നതിനും ആവശ്യമെങ്കിൽ ഒഴിവാക്കുന്നതിനുമുള്ള സൗകര്യങ്ങൾ ലഭ്യമാണ്.
ഇ-കോൺട്രാക്ട് സംവിധാനം വഴി തൊഴിൽ കരാറുകൾ 11 വ്യത്യസ്ത ഭാഷകളിൽ വായിക്കുന്നതിനും സ്ഥിരീകരിച്ച കരാറുകൾ പ്രിന്റ് ചെയ്തെടുക്കുന്നതിനും സാധിക്കും. കൂടാതെ ഇതുവഴി ഗാർഹിക തൊഴിലാളികളുടെ കോൺട്രാക്ടുകളുടെ സാധുത സർവീസ് സെന്ററുകൾ സന്ദർശിക്കാതെ ഉറപ്പ് വരുത്തുന്നതിനുള്ള സൗകര്യവുമുണ്ട്.
