‘വിന്റർ എയർ ഇന്ത്യ’, ബഹ്‌റൈൻ-ഇന്ത്യ സർവീസുകളുടെ വിന്റർ ഷെ​ഡ്യൂ​ൾ പ്ര​ഖ്യാ​പി​ച്ചു

വിന്റർ ഇനി ആഘോഷമാക്കാം. ബ​ഹ്റൈ​നി​ൽ ​നി​ന്ന് ഇ​ന്ത്യ​യി​ലേ​ക്കു​ള്ള വി​മാ​ന സ​ർ​വി​സു​ക​ളു​ടെ വി​ന്റ​ർ ഷെ​ഡ്യൂ​ൾ എ​യ​ർ ഇ​ന്ത്യ പ്ര​ഖ്യാ​പിച്ചു. ഒ​ക്ടോ​ബ​ർ 29ന് ​പുതിയ ഷെ​ഡ്യൂ​ൾ നി​ല​വി​ൽ വ​രും. ഈ സീസണിൽ കോ​ഴി​ക്കോ​​ട്ടേ​ക്ക് എ​ല്ലാ ദി​വ​സ​വും സ​ർ​വി​സു​കൾ ഉണ്ടായിരിക്കും. ഞാ​യ​ർ, തി​ങ്ക​ൾ, വ്യാ​ഴം, വെ​ള്ളി ദി​വ​സ​ങ്ങ​ളി​ൽ കൊ​ച്ചി​യി​ലേക്കും തി​രു​വ​ന​ന്ത​പു​ര​ത്തേ​ക്ക് ഞാ​യ​ർ, ബു​ധ​ൻ ദി​വ​സ​ങ്ങ​ളി​ലും എയർ ഇന്ത്യയുടെ വി​മാ​ന സ​ർ​വി​സുകൾ ഉണ്ടാവും. കൂടാതെ മം​ഗ​ളൂ​രു, ക​ണ്ണൂ​ർ ഭാ​ഗ​ത്തേ​ക്ക് ഞാ​യ​ർ, ചൊ​വ്വ ദി​വ​സ​ങ്ങ​ളി​ൽ ഒ​രു സ​ർ​വീസും ഉ​ണ്ടാ​കും. മാത്രമല്ല, ഡ​ൽ​ഹി​യി​ലേ​ക്ക് എല്ലാ ദിവസവും എയർ ഇന്ത്യ സർവീസ് ഉണ്ടാകും​.

അതേസമയം കോ​ഴി​ക്കോ​ട്ടേ​ക്ക് നി​ല​വി​ൽ അ​ഞ്ചു ദി​വ​സ​മാ​ണ് എ​യ​ർ ഇ​ന്ത്യ എ​ക്സ്പ്ര​സ് സ​ർ​വീസ് നടത്തുന്നത്. ഈ സർവീസുകളാണ് ​എല്ലാ ദി​വ​സ​വു​മാ​യി മാ​റു​ന്ന​ത്. എന്നാൽ സ​ർ​വി​സു​ക​ൾ രാ​ത്രി​യി​ലാ​കാ​നാ​ണ് സാ​ധ്യ​തയെന്ന് ഔദ്യോഗിക വൃത്തങ്ങൾ സൂചിപ്പിച്ചു. ഇ​ത് യാ​ത്ര​ക്കാ​ർ​ക്ക് കൂടുതൽ പ്ര​യോ​ജ​നം ചെ​യ്യും. കൊ​ച്ചി​യി​ലേ​ക്ക് ര​ണ്ടു ദി​വ​സം മാ​ത്ര​മാ​ണ് നി​ല​വി​ൽ ഡ​യ​റ​ക്ട് സ​ർ​വി​സുള്ളത്. ഇ​ത് ഇനി നാ​ലാ​യി മാ​റും. ഡ​ൽ​ഹി​യി​ലേ​ക്കു​ള്ള എ​യ​ർ ഇ​ന്ത്യ സ​ർ​വി​സ് നി​ല​വി​ൽ ആ​റാ​യി​രു​ന്നു. ഇ​ത് നി​ത്യേ​ന​യാ​യി മാ​റുകയും ചെയ്യും. സ​ർ​വി​സു​ക​ളു​ടെ സ​മ​യ​വി​വ​ര​ങ്ങ​ൾ അ​ടു​ത്ത ദി​വ​സം പ്ര​ഖ്യാ​പി​ക്കുമെന്ന് അധികൃതർ അറിയിച്ചു. കൂടാതെ കോം​പ്ലി​മെ​ന്റ​റി മീ​ൽ​സ് നി​ർ​ത്ത​ലാ​ക്കി​യ​താ​യും അ​റി​യിപ്പുണ്ട്.