നോബേൽ പ്രൈസ് 2023 ലെ സാഹിത്യത്തിനുള്ള നോബേൽ സമ്മാനം നോർവീജിയൻ എഴുത്തുകാരനായ ജോൺ ഫോസിന്. ഗദ്യ സാഹിത്യത്തിന് അദ്ദേഹം നല്‍കിയ സംഭാവനകള്‍ പരിഗണിച്ചാണ് പുരസ്‌കാരം. നിശബ്ദരാക്കപ്പെട്ടവരുടെ ശബ്ദമായി തന്റെ എഴുത്തിലൂടെ ജോൺ ഫോസ് മാറി എന്ന് നോബേൽ പുരസ്കാര സമിതി വിലയിരുത്തി. നാടകങ്ങള്‍, നോവലുകള്‍, ഉപന്യാസങ്ങള്‍, കവിതാ സമാഹാരങ്ങള്‍, കുട്ടികളുടെ പുസ്തകങ്ങള്‍, വിവര്‍ത്തനങ്ങള്‍ തുടങ്ങി നിരവധി കൃതികള്‍ അദ്ദേഹത്തിന്റേതായുണ്ട്.
അതേസമയം തിങ്കളാഴ്ച വൈദ്യശാസ്ത്ര നോബേൽ പുരസ്‌കാരവുമായി ചൊവ്വാഴ്ച ഭൗതികശാസ്ത്രത്തിനുള്ള നോബേൽ പുരസ്‌കാരവും പ്രഖ്യാപിച്ചിരുന്നു. സമാധാന നോബേൽ പുരസ്‌കാരം വെള്ളിയാഴ്ചയും, തിങ്കളാഴ്ച സാമ്പത്തിക നോബേൽ പുരസ്‌കാരവും പ്രഖ്യാപിക്കും. പുരസ്കാര ജേതാക്കൾക്ക് ലഭിക്കുന്ന തുകയിൽ 10% വർധനവ് ഈ വർഷം നോബേൽ ഫൗണ്ടേഷൻ ഏർപ്പെടുത്തിയിട്ടുണ്ട്. 18 കാരറ്റ് ഗോൾഡ് മെഡലും ഡിപ്ലോമ സർട്ടിഫിക്കറ്റും ഡിസംബറിൽ നടക്കുന്ന ചടങ്ങിൽ ജേതാക്കൾക്ക് ലഭിക്കും.
