യുഎഇയില്‍ ഗോൾഡന്‍ വിസ നേടിയ മലയാള സിനിമ നടന്മാരുടെ പട്ടികയില്‍ ജയറാമും. അബുദാബിയില്‍ നടന്ന ചടങ്ങില്‍ താരം ഗോള്‍ഡന്‍ വിസ സ്വീകരിച്ചു. ചടങ്ങില്‍ സര്‍ക്കാര്‍ ഉദ്യോഗസ്ഥരും ലുലു ഗ്രൂപ്പ് ചെയര്‍മാന്‍ എം എ യൂസഫലിയും പങ്കെടുത്തു. ഗോള്‍ഡന്‍ വിസ അനുവദിച്ചതില്‍ യുഎഇ സര്‍ക്കാരിന് ജയറാം നന്ദി രേഖപ്പെടുത്തി.
പ്രവാസി വ്യവസായി എംഎ യൂസഫലിയാണ് ജയറാമിന് ഗോൾഡന്‍ വിസ ലഭ്യമാകാന്‍ വേണ്ട നീക്കങ്ങൾ നടത്തിയത്. ലുലു ഗ്രൂപ്പിനും പിന്നില്‍ പ്രവര്‍ത്തിച്ചവര്‍ക്കും ജയാറാം നന്ദി അറിയിച്ചു. ഗോള്‍ഡന്‍ വിസ സ്വീകരിക്കുന്നതിന്റെ ചിത്രങ്ങള്‍ ജയറാം സാമൂഹിക മാധ്യമങ്ങളില്‍ പങ്കുവച്ചിട്ടുണ്ട്.
മലയാളത്തിലെ സൂപ്പര്‍ താരങ്ങളായ മമ്മൂട്ടിയും മോഹന്‍ലാലും ഉൾപ്പെടെ നിരവധി താരങ്ങൾക്ക് ഇതിനകം ഗോൾഡന്‍ വിസ ലഭിച്ചുക‍ഴിഞ്ഞു. ഒരാ‍ഴ്ച മുമ്പാണ് ദിലീപിന് ഗോൾഡന്‍ വിസ ലഭ്യമായത്. ഗോള്‍ഡന്‍ വിസ അനുവദിക്കുന്നതിന്‍റെ മാനദണ്ഡങ്ങളില്‍ യുഎഇ ഭരണകൂടം ഇളവ് പ്രഖ്യാപിച്ചിരുന്നു. കൂടുതല്‍ വിഭാഗങ്ങളിലേക്ക് ഗോള്‍ഡന്‍ വിസയുടെ പ്രയോജനം എത്തിക്കാനാണ് യുഎഇയുടെ ലക്ഷ്യം
