സൗദിയുടെ 93ാമത് ദേശീയ ദിനത്തോടനുബന്ധിച്ച് സൗദി പാസ്പോർട്ട് ഡയറക്ടറേറ്റ് പ്രത്യേക മുദ്ര പുറത്തിറക്കി. അബ്ദുൽ അസീസ് രാജാവിന്റെ കൈകളാൽ നടന്ന രാജ്യത്തിന്റെ ഏകീകരണമാണ് സൗദി ആഘോഷിക്കുന്നത്. ഈ വേളയിൽ അന്താരാഷ്ട്ര പ്രവേശനകവാടങ്ങളിലൂടെ പുറപ്പെടുകയും എത്തിച്ചേരുകയും ചെയ്യുന്നവരോടൊപ്പം രാജ്യം ദേശീയ ദിനം ആഘോഷിക്കും.
ഇതിന്റെ ഭാഗമായാണ് ദേശീയദിന അടയാളം ഉൾക്കൊള്ളുന്ന പ്രത്യേക മുദ്ര പാസ്പോർട് ഡയറക്ടറേറ്റ് പുറത്തിറക്കിയത്. ‘ഞങ്ങൾ സ്വപ്നം കാണുന്നു, നേടുന്നു, സൗദി ദേശീയദിനം93’ എന്നിങ്ങനെ ആലേഖനം ചെയ്തിട്ടുള്ള സ്റ്റാമ്പാണ് ദേശീയദിനത്തിൽ സൗദിയിലേക്ക് വരുകയും പോകുകയും ചെയ്തവരുടെ പാസ്പോർട്ടുകളിൽ എമിഗ്രേഷൻ ഉദ്യോഗസ്ഥർ പതിച്ചത്.
