ജർമൻ ഫുട്ബോൾ താരമായ ജൂലിയൻ ഡ്രാക്സലറും ഖത്തരി ക്ലബ്ബിലേക്ക്. ഫ്രഞ്ച് ക്ലബ്ബായ പാരിസ് സെയിന്റ് ജർമനിലെ താരമായിരുന്നു ഡ്രാക്‌സലർ. ഖത്തർ ഫുട്ബോൾ ക്ലബ്ബായ അൽ അഹ്‌ലിയുമായി താരം ഉടൻ കരാർ ഒപ്പിടും.
അതേസമയം അടുത്തിടെയാണ് പിസ്ജിയിൽ നിന്ന് ഇറ്റാലിയൻ മിഡ്ഫീൽഡർ താരമായ മർക്കോ വെറാറ്റി അൽ അറബി ക്ലബ്ബുമായി 3 വർഷത്തെ കരാറിൽ ഒപ്പുവച്ചത്. ഇതിന് പിന്നാലെയാണ് ഡ്രാക്സലറും ഖത്തറിലേക്ക് എത്തുന്നത്. ജർമനിയുടെ ദേശീയ താരം കൂടിയാണ് 29 വയസ്സുകാരനായ ഈ മിഡ്ഫീൽഡർ.
