ഐഫോൺ പ്രേമികളുടെ വളരെ നാളത്തെ കാത്തിരിപ്പാണ് നാളെ അവസാനിക്കാൻ പോകുന്നത്. ആപ്പിൾ ഐഫോൺ 15 നാളെ റിലീസ് ചെയ്യും. ഇന്ത്യൻ സമയം രാത്രി 10:30-നാണ് ലോഞ്ചിങ് നടക്കുന്നത്. ഏകദേശം 80,000 രൂപയോ അതിന് മുകളിലോ ആണ് ഐഫോൺ 15ന് വില വരികയെന്നാണ് പുറത്തുവരുന്ന വിവരങ്ങൾ. ഇക്കാര്യത്തിൽ ഔദ്യോഗിക സ്ഥിരീകരണങ്ങളൊന്നും ലഭ്യമായിട്ടില്ല.
ഈ സാഹചര്യത്തിൽ ഐഫോൺ 14, 13 എന്നിവ വൻ ലാഭത്തിലാണ് ഇപ്പോൾ ഇ-കോമേഴ്സ് പ്ലാറ്റ്ഫോമുകളിൽ വില്പനയ്ക്കെത്തിച്ചിരിക്കുന്നത്. ഓഫർ അനുസരിച്ച് 79,900 രൂപയുടെ ഐഫോൺ 14-ന്റെ റെഡ് കളർ വേരിയന്റ് 66,999 രൂപയ്ക്ക് ലഭ്യമാണ്. എച്ച്ഡിഎഫ്സി ബാങ്ക് ക്രെഡിറ്റ് കാർഡുപയോഗിച്ച് വാങ്ങുന്നവർക്ക് 4,000 രൂപ കിഴിവുമുണ്ട്. ഇതനുസരിച്ച് ഉപഭോക്താക്കൾക്ക് 16,901 രൂപയോളം കിഴിവ് ലഭിക്കും. ഐഫോൺ 13 നിലവിൽ 56,999 രൂപ പ്രാരംഭ വിലയിലാണ് വിൽപനയ്ക്കായി ലിസ്റ്റ് ചെയ്തിരിക്കുന്നത്. ഇതുവരെയുള്ളതിൽ ഏറ്റവും കുറഞ്ഞ വിലയാണിത്. എച്ച്ഡിഎഫ്സി ബാങ്ക് ക്രെഡിറ്റ് കാർഡ് ഉള്ള ഉപഭോക്താക്കൾക്ക് ഇത് 54,999 രൂപയ്ക്ക് വാങ്ങാൻ കഴിയും.
