രാജ്യത്തെ ജുവനൈൽ ഹോമുകളിൽ ലൈംഗിക പീഡനക്കേസുകൾ വർധിക്കുന്നതായി ദേശീയ ക്രൈം റെക്കോർഡ്‌സ് ബ്യൂറോയുടെ കണക്കുകൾ പുറത്ത്.
ജുവനൈൽ ഹോമുകളിൽ പാർപ്പിച്ചിരിക്കുന്ന കുട്ടികൾക്കെതിരെ അതിക്രമങ്ങൾ വർധിച്ചിരിക്കുന്നു എന്നാണ് കണക്കുകൾ വ്യക്തമാക്കുന്നത്. ദേശീയ തലത്തിൽ പീഡനങ്ങൾ കൂടുതലുള്ള ആദ്യ 3 സംസ്ഥാനങ്ങളുടെ പട്ടികയിൽ കേരളവുമുണ്ട്.
പട്ടികയിൽ ആദ്യ സ്ഥാനത്ത് ഗുജറാത്തും തൊട്ടുപിന്നിൽ രാജസ്ഥാനുമാണ്. കേരളം മൂന്നാം സ്ഥാനത്താണുള്ളത്. 2018ൽ 281, 2018ൽ 333, 2020ൽ 331 എന്നിങ്ങനെയാണ് കേരളത്തിലെ ജുവനൈൽ ഹോമിലെ പീഡനങ്ങളുടെ കണക്ക്. നിയമ നടപടികൾ പുരോഗമിക്കുന്നുണ്ടെങ്കിലും ജുവനൈൽ ഹോമുകളിൽ പോലും കുട്ടികൾ സുരക്ഷിതരല്ലെന്ന വസ്തുതയിലേക്കാണ് ദേശീയ ക്രൈം റെക്കോർഡ്‌സ് ബ്യൂറോയുടെ ഈ കണക്കുകൾ വിരൽ ചൂണ്ടുന്നത്.
