മോഹൻലാൽ ചിത്രം ‘വൃഷഭ’യുടെ ആദ്യ ഷെഡ്യൂൾ പൂർത്തിയായി. മോഹൻലാൽ തന്നെയാണ് ഇക്കാര്യം അറിയിച്ചിരിക്കുന്നത്. ഒപ്പം ചിത്രത്തിലെ തന്റെ കഥാപാത്ര ലുക്കും നടന്‍ പങ്കുവച്ചിട്ടുണ്ട്. നന്ദകിഷോര്‍ ആണ് വൃഷഭയുടെ സംവിധാനം. ബോളിവുഡിലെ പ്രമുഖ നിര്‍മ്മാതാവായ ഏക്ത കപൂര്‍ ചിത്രത്തിന്‍റെ സഹനിര്‍മാണം നടത്തുന്നുണ്ട്.
യോദ്ധാവിന് സമാനമായി കയ്യിൽ വാളേന്തി നിൽക്കുന്ന മോഹൻലാലിനെയാണ് ഫസ്റ്റ് ലുക്കിൽ. മോഹന്‍ലാലിന്‍റെ സൂപ്പര്‍ ഹിറ്റ് ചിത്രം ‘യോദ്ധ’ ഓര്‍മവരുന്നുവെന്നാണ് ലുക്ക് കണ്ട് ആരാധകര്‍ പറയുന്നത്.
200 കോടി ബജറ്റില്‍ ഒരുങ്ങുന്ന പാന്‍ ഇന്ത്യന്‍ ചിത്രമാണ് വൃഷഭ. തെലുങ്കിലും മലയാളത്തിലുമായി നിര്‍മിക്കുന്ന ചിത്രം തമിഴ്, കന്നഡ, ഹിന്ദി ഭാഷകളിലും ഡബ് ചെയ്ത് റിലീസിന് എത്തിക്കും. മോഹന്‍ലാലിനൊപ്പം രാഹിണി ദ്വിവേദി,റോഷന്‍ മെക, ഷനയ കപൂര്‍, സഹ്‍റ ഖാന്‍, ശ്രീകാന്ത് മെക എന്നിവരും പ്രധാന വേഷത്തില്‍ എത്തുന്നുണ്ട്.
