അബായ കാർ റാലിയുടെ മൂന്നാം പതിപ്പ് ഓഗസ്റ്റ് 26-ന് ദുബായ് ഓട്ടോഡ്രോമിൽ നടക്കും. സ്ത്രീകൾ മാത്രം പങ്കെടുക്കുന്ന കാർ റാലിയാണ് ഇത്.വനിതാശാക്തീകരണത്തിന്റെ ഭാഗമായി സംഘടിപ്പിക്കുന്ന റാലി, ദുബായ് മ്യൂസിയം ഓഫ് ഫ്യൂച്ചറിൽ എമിറാത്തി വിമൻസ് ഡേക്ക് ഒപ്പമാണ് നടക്കുക.
ശനിയാഴ്ച്ച രാവിലെ നടക്കുന്ന റാലിയിൽ 200-ൽ അധികം വനിതാ ഡ്രൈവർമാർ പങ്കെടുക്കും. യു.എ.ഇയുടെ ശാക്തീകരണത്തിന്റെയും വ്യക്തിത്വത്തിന്റെയും പ്രതീകമായ ആബായ ധരിച്ചാണ് സ്ത്രീകൾ പങ്കെടുക്കുക എന്നതാണ് പ്രത്യേകത.
ഓഗസ്റ്റ് 27-ന് മ്യൂസിയം ഓഫ് ഫ്യൂച്ചറിൽ നടക്കുന്ന ചടങ്ങിൽ ഷെയ്ഖ ഫാത്തിമ ബിൻ മുബാറക് ഈ വർഷത്തെ എമിറാത്തി വനിതാ ദിനത്തിന്റെ തീം അനാവരണം ചെയ്യും. റെഡ് കാർപ്പറ്റ്, ഫാഷൻ ഷോ, പാനൽ ഡിസ്കഷൻസ്, വുമൺ ഓഫ് അച്ചീവ്മെന്റ് അവാർഡ് ദാനം എന്നിവ നടക്കും.
