ഡബ്ല്യുഡബ്ല്യുഇ താരവും നടനുമായ ജോൺ സീന സമൂഹ മാധ്യമത്തിൽ ഇന്ത്യൻ പതാക പോസ്റ്റ് ചെയ്തത് വൈറലാവുന്നു. ചന്ദ്രയാൻ 3ന്റെ ലാൻഡിങിന് മണിക്കൂറുകൾ മുമ്പാണ് താരം തന്റെ ഇൻസ്റ്റാഗ്രാം പേജിൽ ഇന്ത്യൻ ദേശീയ പതാകയുടെ ചിത്രം പങ്കുവച്ചത്. പക്ഷേ ഒരു അടിക്കുറിപ്പും പോലും നൽകാതെ അദ്ദേഹം എന്തിനാണ് ഇത് പോസ്റ്റ് ചെയ്തതെന്നാണ് എല്ലാവരുടെയും ആശങ്ക. അദ്ദേഹം പതാക പങ്കിട്ട ഉടൻ തന്നെ ആരാധകർ കമന്റ് ബോക്സ് കീഴടക്കിയിരിക്കുകയാണ്.
അതേസമയം ചന്ദ്രയാൻ 3 ന് ആശംസകൾ നൽകാനാണ് അദ്ദേഹം പോസ്റ്റ് ചെയ്തതെന്ന് ആരാധകർ കമന്റിൽ പറയുന്നു. എന്നാൽ 17 വർഷത്തിന് ശേഷം സെപ്തംബർ എട്ടിന് ഹൈദരാബാദിൽ നടക്കുന്ന ഡബ്ല്യുഡബ്ല്യുഇ സൂപ്പർസ്റ്റാർ സ്‌പെക്ടക്കിൾ ഇവന്റുമായി ഇന്ത്യയിലേക്ക് വരാൻ ഒരുങ്ങുകയാണ് സീന.
ഗുസ്തി റിംഗിലും ബിഗ് സ്‌ക്രീനിലും ഏറെ ആരാധകരുള്ള താരമാണ് ജോണ് സീന. എന്നാൽ ഗുസ്തി നേട്ടങ്ങൾക്കുമപ്പുറം ഹോളിവുഡിലേക്കുള്ള സീനയുടെ മാറ്റം അദ്ദേഹത്തിന്റെ വൈദഗ്ധ്യം പ്രകടമാക്കി. കൂടാതെ വിവിധ ജീവകാരുണ്യ പ്രവർത്തനങ്ങൾക്കും അദ്ദേഹം നേതൃത്വം നൽകുന്നുണ്ട്. സീനയെ കൂടാതെ ലോകത്തിന്റെ വിവിധ ഭാഗങ്ങളിൽ നിന്നായി ഇന്ത്യയുടെ ദൗത്യത്തിന് ആശംസകളും അഭിനന്ദനങ്ങളുമായി നിരവധി ആളുകൾ രംഗത്തെത്തിയിട്ടുണ്ട്.
