ബഹിരാകാശത്ത് നിന്ന് ഇന്ത്യയ്ക്ക് സ്വാതന്ത്ര്യദിനാശംസകൾ നേർന്ന് എമിറാത്തിയുടെ ബഹിരാകാശ യാത്രികൻ സുൽത്താൻ അൽ-നെയാദി.
ബഹിരാകാശത്ത് നിന്ന് പകർത്തിയ ഇന്ത്യൻ തലസ്ഥാനമായ ന്യൂഡ‍ൽഹിയുടെ ചിത്രം പങ്കുവെച്ചുകൊണ്ടാണ് സ്വാതന്ത്ര്യദിനാശംസകൾ നേർന്നത്.
സമൂഹ മാധ്യമത്തിൽ പോസ്റ്റ് ചെയ്ത ചിത്രത്തിനൊപ്പം മലയാളത്തിലും ഹിന്ദി, ഉറുദു, കന്നഡ, തമിഴ്, ബംഗാളി തുടങ്ങിയ ഭാഷകളിലും നമസ്കാരം എന്നെഴുതിയാണ് ആശംസ പങ്കുവെച്ചത്. എല്ലാ ഇന്ത്യക്കാർക്കും ബഹിരാകാശ കേന്ദ്രത്തിൽ നിന്ന് സ്വാതന്ത്ര്യദിനാശംസകൾ നേരുന്നുവെന്ന് അദ്ദേഹം കുറിച്ചു. ബഹിരാകാശത്ത് നിന്ന് ഞാൻ പകർത്തിയ ഡൽഹിയുടെ ചിത്രം ഇതോടൊപ്പം പങ്കുവയ്ക്കുന്നു–സുൽത്താൻ അൽ നെയാദി കുറിച്ചു.
