എമിറേറ്റ്സ് വിമാനത്തിൽ യാത്രക്കാർ ഫുട്ബോൾ കളി കാണുന്ന വീഡിയോ വൈറൽ. 22 ദശലക്ഷത്തിലധികം പേരാണ് ഇതിനോടകം ഈ വീഡിയോ കണ്ടത്. ഫിഫ വനിതാ ലോകകപ്പ് ക്വാർട്ടർ ഫൈനലിൽ ഓസ്‌ട്രേലിയൻ ടീം ഫ്രഞ്ചുകാരുമായി പോരാടുന്നതാണ് മത്സരം. ഇത് കാണുന്ന യാത്രക്കാരുടെ നിരയാണ് വിഡിയോയിൽ കാണിക്കുന്നത്. കളിക്കിടെ യാത്രക്കാർ കരഘോഷം മുഴക്കുകയും ആഘോഷിക്കുകയും ചെയ്യുന്നുണ്ട്.
എന്നാൽ ഒരു യാത്രക്കാരൻ മാത്രം ഇതിൽ നിന്നും വേറിട്ട് നിൽക്കുന്നു. അദ്ദേഹം ലോഡ് ഓഫ് ദി റിങ്സ് എന്ന ചിത്രമാണ് കാണുന്നത്. അയാളെ കുറിച്ച് നെറ്റിസൺസ് നിരവധി തമാശകൾ പറയുകയും ഐക്കണിക് സീരീസുകളെ പരാമർശിച്ച് രസകരമായ അഭിപ്രായങ്ങൾ കമന്റ് ചെയ്യുകയും ചെയ്തിട്ടുണ്ട്.
