മലയാളത്തിലെ ഫാന്‍റസി സിനിമകളില്‍ ഏറെ ശ്രദ്ധിക്കപ്പെട്ട ചിത്രമാണ് അത്ഭുതദ്വീപ്. വ്യത്യസ്തമായ കഥയും കഥാപാത്രങ്ങളും കൊണ്ട് ഏറെ ജനശ്രദ്ധ ആകർഷിച്ച ചിത്രമാണിത്. ഇപ്പോഴിതാ അത്ഭുതദ്വീപിന് രണ്ടാം ഭാഗവുമായി എത്തുകയാണ് സംവിധായകന്‍ വിനയന്‍. പത്തൊമ്പതാം നൂറ്റാണ്ടിന്‍റെ വിജയത്തിന് പിന്നാലെയാണ് നീണ്ട 18 വര്‍ഷത്തിന് ശേഷം അത്ഭുതദ്വീപിന് ഒരു തുടര്‍ച്ചയുണ്ടാകുന്നു എന്ന പ്രഖ്യാപനവുമായി വിനയൻ എത്തിയിരിക്കുന്നത്.
എന്നാൽ രണ്ടാം വരവില്‍ പക്രുവിനൊപ്പം പ്രിത്വിരാജിന് പകരം യുവതാരം ഉണ്ണി മുകുന്ദനും മാളികപ്പുറം തിരക്കഥാകൃത്ത് അഭിലാഷ് പിള്ളയും ഉണ്ടാകും. 18 വര്‍ഷങ്ങള്‍ക്ക് ശേഷം അത്ഭുതദ്വീപിലെ കാഴ്ച്ചകള്‍ കാണാന്‍ വീണ്ടുമൊരു യാത്ര തുടങ്ങുകയാണ്. ഇത്തവണ പക്രുവിനൊപ്പം ഉണ്ണി മുകുന്ദനും അഭിലാഷ് പിള്ളയുമുണ്ട്. സിജു വില്‍‍‍സണുമായുള്ള ചിത്രത്തിന് ശേഷം 2024ല്‍ അത്ഭുതദ്വീപിലെത്തുമെന്ന് വിനയന്‍ കുറിച്ചു.
അതേസമയം 18 വർഷങ്ങൾക്കു ശേഷം അത്ഭുതദ്വീപിനെ സ്നേഹിക്കുന്ന എല്ലാവരും കാത്തിരുന്ന ആ പ്രഖ്യാപനം വിനയൻ സാറിൽ നിന്നും വന്നെത്തിയിരിക്കുന്നു. ഒരുപാടു സന്തോഷവും അതിലേറെ ആവേശവുമുണ്ട് കാരണം രണ്ടാം ഭാഗത്തിൽ പ്രിയപ്പെട്ട ഉണ്ണിയും, അഭിലാഷ് പിള്ളയും ഉണ്ട്. അത്ഭുതദ്വീപിലെ പുതിയ വിസ്മയ കാഴ്ചകൾ ക്കായി കാത്തിരിക്കാം എന്ന് ഗിന്നസ് പക്രുവും കുറിച്ചു.
