വേനലവധിയും ബക്രീദ് പെരുന്നാളും അടുത്തതോടെ വിമാനയാത്രാ തിരക്കേറുന്നു. യുഎഇയിലല്‍നിന്ന് നാട്ടിലേക്ക് യാത്രക്കാരുടെ എണ്ണം വര്‍ദ്ധിച്ചതോടെ മുന്‍കൂട്ടി ടിക്കറ്റ് ബുക്കുചെയ്യണമെന്ന് എമിറേറ്റ്സ് എയര്‍ലൈന്‍സിന്‍റെ അറിയിപ്പ്.
ജൂണ്‍ – ജൂലൈ മാസങ്ങളിലായി യാത്രക്കാരുടെ എണ്ണത്തില്‍ അഞ്ചരലക്ഷത്തിന്‍റെ വര്‍ദ്ധനവുണ്ടാകുമെന്നാണ് പ്രതീക്ഷിക്കുന്നതെന്ന് എമിറേറ്റ് എയര്‍ലൈന്‍സ് അറിയിച്ചു. യാത്രക്കാരുടെ സൗകര്യം പരിഗണിച്ച് കൂടുതല്‍ സര്‍വീസുകൾ ആരംഭിക്കാനും നീക്കമുണ്ട്. അധിക സീറ്റുകൾ ക്രമീകരിച്ച് സര്‍വ്വീസുകൾ ഉറപ്പാക്കാനും തീരുമാനമുണ്ട്.
ടിക്കറ്റ് ബുക്കിംഗിന് എണ്ണം ഏറിയതോടെയാണ് എമിറേറ്റ്സ് എയര്‍ലൈന്‍സ് അറിയിപ്പുമായി രംഗത്തുവന്നത്. അവധി ദിനങ്ങളില്‍ യാത്ര ഉറപ്പാക്കാന്‍ മുന്‍കൂട്ടി ബുക്കുചെയ്യണമെന്നും പുതിയ വിമാന സര്‍വ്വീസുകളുടെ സമയക്രമം മനസിലാക്കണമെന്നും എമിറേറ്റ്സ് എയര്‍ലൈന്‍സ് അറിയച്ചു.
