അന്തരിച്ച കേരള മുൻ മുഖ്യമന്ത്രി ഉമ്മൻചാണ്ടിയുടെ കല്ലറ എംഎ യൂസഫലി സന്ദർശിച്ചു. പ്രതിസന്ധികളിൽ തളരാത്ത വ്യക്തിത്വമായിരുന്നു ഉമ്മൻ ചാണ്ടിയെന്ന് എംഎ യൂസഫലി പറഞ്ഞു. പുതുപ്പള്ളി ജോർജിയൻ പബ്ലിക് സ്കൂൾ മൈതാനത്ത് ഹെലികോപ്റ്ററിൽ എത്തിയ അദ്ദേഹം ഉമ്മൻചാണ്ടിയുടെ സഹോദരിയുടെ വീട്ടിലെത്തി കുടുംബാംഗങ്ങളെ സന്ദർശിക്കുകയും ചെയ്തു.
തുടർന്ന് പുതുപ്പള്ളി ചർച്ചിലെ ഉമ്മൻചാണ്ടിയുടെ കല്ലറയിലെത്തി പുഷ്പചക്രം സമർപ്പിച്ചു. ഉമ്മൻചാണ്ടിയുമായി അടുത്ത ബന്ധമായിരുന്നു ഉണ്ടായിരുന്നതെന്നും പ്രതിസന്ധികളിൽ തളരാത്ത വ്യക്തിത്വത്തിന് ഉടമയായിരുന്നു അദ്ദേഹമെന്നും എംഎ യൂസഫലി ഉമ്മൻചാണ്ടിയെ അനുസ്മരിച്ചു.
