സൗദി അറേബ്യയിൽ യുദ്ധ വിമാനം തകർന്നുവീണ് രണ്ട് സൈനികർ മരിച്ചു. പരിശീലന പറക്കലിനിടെ എഫ് 15 യുദ്ധവിമാനമാണ് തകർന്നുവീണത്.
റിയാദിൽ നിന്ന് 815 കിലോമീറ്റർ അകലെയുള്ള ഖമീസ് മുശൈത്തിലെ കിങ് ഖാലിദ് എയർബേസിൽ ബുധനാഴ്ച ഉച്ചയ്ക്ക് 2.28നായിരുന്നു അപകടമെന്ന് സൗദി പ്രതിരോധ മന്ത്രാലയം അറിയിച്ചു.
വിമാനത്തിലുണ്ടായിരുന്ന രണ്ട് ജീവനക്കാർ അപകടത്തിൽ മരിച്ചതായി പ്രതിരോധ മന്ത്രാലയ വക്താവ് അറിയിച്ചു. സംഭവത്തിൽ അന്വേഷണം പ്രഖ്യാപിച്ചിട്ടുണ്ട്. അപകടത്തിൽ രക്തസാക്ഷികളായ ജീവനക്കാർക്കും അവരുടെ കുടുംബങ്ങൾക്കും വേണ്ടി പ്രാർത്ഥിക്കുന്നതായി പ്രതിരോധ മന്ത്രാലയ വക്താവ് ബ്രിഗേഡിയർ ജനറൽ അൽ മാലികി അറിയിച്ചു.
