മലയാളി പ്രേക്ഷകർക്കിടയിലും ആരാധകരുള്ള നടിയാണ് സ്വാതി റെഡ്ഡി. ആമേൻ, തൃശൂർ പൂരം, നോർത്ത് 24 കാതം, ആട് തുടങ്ങിയ മലയാള ചിത്രത്തിൽ നടി മികച്ച പ്രകടനം കാഴ്ചവച്ചിട്ടുണ്ട്.
ഇപ്പോഴിതാ സമൂഹമാധ്യമങ്ങളിൽ റെയിൽവേ സ്റ്റേഷനിൽ നിന്നുളള നടിയുടെ വിഡിയോയാണ് വൈറലാവുന്നത്. ബുർഖ ധരിച്ചാണ് താരം റെയിൽവേ സ്റ്റേഷനിൽ എത്തിയിരിക്കുന്നത്. സ്വാതി തന്നെയാണ് വിഡിയോ ഇൻസ്റ്റഗ്രാമിൽ പങ്കുവെച്ചതും. വിഡിയോ സോഷ്യൽ മീഡിയയിൽ ഇതിനോടകം തന്നെ വൈറലായിട്ടുണ്ട്.
മിനിസ്ക്രീനിലൂടെയാണ് സ്വാതി സിനിമയിൽ എത്തുന്നത്. 2005 ൽ പുറത്തിറങ്ങിയ ഡെയ്ഞ്ചർ എന്ന തെലുങ്ക് ചിത്രത്തിലൂടെയായിരുന്നു ബിഗ് സ്ക്രീൻ അരങ്ങേറ്റം. 2008 ൽ പുറത്ത് ഇറങ്ങിയ സുബ്രമണ്യപുരം എന്ന ചിത്രത്തിലൂടെയാണ് നടി കൂടുതൽ പ്രേക്ഷക ശ്രദ്ധ നേടുന്നത്.
