അബ്ഷിർ ആപ്പിലെ സേവനങ്ങൾ ഇന്ന് (വ്യാഴം) അർധരാത്രി 12 മണി മുതൽ നാളെ(വെള്ളി) രാവിലെ 10 മണി വരെയുള്ള സമയത്ത് തടസ്സപ്പെടുമെന്ന് അധികൃതർ അറിയിച്ചു. സമൂഹമാധ്യമത്തിലൂടെയാണ് അധികൃതർ ഇക്കാര്യം അറിയിച്ചത്.bഅബ്ഷിർ സിസ്റ്റം അപ്ഡേറ്റ് (നവീകരണം) ചെയ്യുന്നതിന്റെ ഭാഗമായാണ് തടസം നേരിടുക.
സിസ്റ്റങ്ങളുടെ നവീകരണം നടക്കുന്നതിനാൽ തടസ്സങ്ങൾ അനുഭപ്പെടാൻ സാധ്യത ഉണ്ട്. അതിനാൽ അബ്ഷിർ സേവനങ്ങൾ ആവശ്യമുള്ളവർ ഇന്ന് രാത്രി 12 ന് മുൻപായി പൂർത്തീകരിക്കേണ്ടതാണ്. അപ്ഡേറ്റ് കഴിയുന്നതോടെ കൂടുതൽ മെച്ചപ്പെട്ട സേവനങ്ങൾ കാര്യക്ഷമത വർദ്ധിപ്പിച്ച് എളുപ്പത്തിലും വേഗത്തിലും ഉപയോക്താക്കൾക്ക് ലഭ്യമാകുമെന്ന് അധികൃതർ അറിയിച്ചു. 350 ലേറെ വിവിധ ഗവൺമെന്റ് സേവനങ്ങളാണ് അബ്ഷിർ വഴി സൗദിയിലുള്ള സ്വദേശികൾക്കും വിദേശികൾക്കും നൽകികൊണ്ടിരിക്കുന്നത്.
