വിഷ്ണു ഭരതൻ സംവിധാനം ചെയ്യുന്ന ‘ഫീനിക്സ്’ എന്ന ചിത്രത്തിന്റെ ഫസ്റ്റ് ലുക്ക് പോസ്റ്റർ പുറത്തിറങ്ങി. ഫ്രണ്ട് റോ പ്രൊഡക്‌ഷൻസിന്റെ ബാനറിൽ റിനീഷ് കെ.എൻ. നിർമിച്ചു മിഥുൻ മാനുവൽ തോമസ് തിരക്കഥ എഴുതിയിരിക്കുന്നത്. അനൂപ് മേനോൻ, അജു വർഗീസ്, ചന്തുനാഥ് എന്നിവരാണ് ചിത്രത്തിൽ പ്രധാന വേഷത്തിൽ എത്തുന്നത്.
അതേസമയം പ്രേക്ഷകരിൽ സംശയം ജനിപ്പിക്കുന്ന തരത്തിലുള്ള പോസ്റ്ററാണ് പുറത്തു വന്നിരിക്കുന്നത്. അഞ്ചുപേർ തോണിയിൽ നിൽക്കുന്ന സാധാരണ ചിത്രത്തിൽ പക്ഷെ, വെള്ളത്തിലെ പ്രതിബിംബത്തിൽ 6 പേരെ കാണാനാകും. പോസ്റ്റർ തലതിരിച്ച് നോക്കുമ്പോഴാണ് സസ്പെൻസ് മനസിലാക്കാൻ സാധിക്കുക. പൂർണമായും ഹൊറർ ത്രില്ലർ മോഡലിൽ ഒരുങ്ങുന്ന ഈ ചിത്രത്തിന്റെ ഛായാഗ്രഹണം നിർവഹിക്കുന്നത് ആൽബിയും സംഗീത സംവിധാനം നിർവഹിക്കുന്നത് സാം സിഎസുമാണ്.
ചിത്രത്തിന്റെ പ്രൊഡക്‌ഷൻ ഡിസൈനർ ഷാജി നടുവിലാണ്. എഡിറ്റിംഗ് നിർവഹിക്കുന്നത് നിതീഷ് കെ. ടി. ആർ ആണ്. കഥ സംവിധായകൻ വിഷ്ണു ഭരതനും ബിഗിൽ ബാലകൃഷ്ണനും ചേർന്നാണ്. എക്സിക്യൂട്ടീവ് പ്രൊഡ്യൂസർ ഷിനോജ് ഓടാണ്ടിയിൽ, പ്രൊഡക്‌ഷൻ കൺട്രോളർ കിഷോർ പുറകാട്ടിരി. ചിത്രത്തിലെ ഗാനരചന വിനായക് ശശികുമാറാണ്. മേക്കപ്പ് റോണെക്സ് സേവ്യർ, കൊസ്റ്റും ഡിനോ ഡേവിസ്, ചീഫ് അസോസിയേറ്റ് രാഹുൽ ആർ ശർമ്മ, പിആർഓ മഞ്ജു ഗോപിനാഥ്, വാഴൂർ ജോസ്, സ്റ്റിൽസ് റിച്ചാർഡ് ആന്റണി, മാർക്കറ്റിങ് ഒബ്സ്ക്യുറ, ഡിസൈൻസ് യെല്ലോടൂത്ത് എന്നിവരാണ് മറ്റ് അണിയറ പ്രവർത്തകർ.
