തൂവെള്ള വസ്ത്രത്തിൽ മാലാഖയേപ്പോലെ തിളങ്ങി അതിസുന്ദരിയായി ഷെയ്ഖ മഹ്റ, തന്റെ പ്രിയതമയെ ചേർത്തുനിർത്തി ഷെയ്ഖ് മന. ദുബൈ ഭരണാധികാരിയുടെ മകൾ ഷെയ്ഖ മഹ്റയുടെ വിവാഹ വീഡിയോയാണ് ഇപ്പോൾ സോഷ്യൽ മീഡിയയിൽ വൈറലാകുന്നത്.
മേയ് 27നായിരുന്നു യുഎഇ വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിൻ റാഷിദ് അൽ മക്തൂമിന്റെ മകൾ ഷെയ്ഖ് മഹ്റ ബിൻത് മുഹമ്മദ് ബിൻ റാഷിദ് അൽ മക്തൂം വിവാഹിതയായത്. ഷെയ്ഖ് മന ബിൻ മുഹമ്മദ് ബിൻ മന അൽ മക്തൂമായിരുന്നു വരൻ.
ദുബായ് വേൾഡ് ട്രേഡ് സെന്റർ സാബീൽ ഹാളിലായിരുന്നു സ്വീകരണ ചടങ്ങ് നടന്നത്. തൂവെള്ള ഗൗണും വിശിഷ്ടമായ ഡയമണ്ട് നെക്ലേസുമായിരുന്നു ഷെയ്ഖ മഹ്റ അണിഞ്ഞിരുന്നത്. പരമ്പരാഗത വേഷമായ കന്തൂറയായിരുന്നു വരൻ ധരിച്ചിരുന്നത്. ആഡംബരപൂർവ്വമുള്ള വിവാഹ വീഡിയോയാണ് ഇൻസ്റ്റഗ്രാമിലൂടെ രാജകുമാരി പങ്കുവെച്ചിരിക്കുന്നത്. ഷെയ്ഖ മഹ്റ നേരത്തെ പങ്കുവച്ച വിവാഹ ഫോട്ടോകൾ ഇതിനോടകംതന്നെ ഏറെ ശ്രദ്ധേ നേടിയിരുന്നു.
