സഞ്ജു സാംസൺ തനിക്കയച്ച സന്ദേശം പങ്കുവെച്ച് വനിതാ ക്രിക്കറ്റിൽ അരങ്ങേറ്റം കുറിച്ച് മലയാളി താരം മിന്നു മണി. ഇൻസ്റ്റഗ്രാം സ്‌റ്റോറിയിലാണ് മിന്നു സഞ്ജു തനിക്ക് അയച്ച സന്ദേശം പങ്കുവെച്ചത്.
സ്‌ക്രീൻ ഷോട്ട് പങ്കുവെച്ച മിന്നു ‘നന്ദി ചേട്ടാ’ എന്നു സ്റ്റോറിയിൽ കുറിച്ചു. ഹായ് മിന്നു, ഇന്ത്യൻ ടീമിലേക്ക് തിരഞ്ഞെടുക്കപ്പെട്ടതിൽ വലിയ അഭിനന്ദനം നേർന്നുകൊള്ളുന്നു. തീർച്ചയായും വളരെ മഹത്തായ നേട്ടമാണിത്. ഞങ്ങളെല്ലാം നിന്നെയോർത്ത് അഭിമാനിക്കുന്നു- എന്നായിരുന്നു സഞ്ജുവിന്റെ സന്ദേശം.
കേരളത്തിൽനിന്ന് ഇന്ത്യൻ ക്രിക്കറ്റ് ടീം ജഴ്സിയണിയുന്ന ആദ്യത്തെ വനിതാ താരമാണ് മിന്നു മണി. ബംഗ്ലാദേശിനെതിരായി നടന്നുകൊണ്ടിരിക്കുന്ന ടി20 പരമ്പരയിലെ ആദ്യ മത്സരത്തിലാണ് മിന്നു അരങ്ങേറ്റം കുറിച്ചത്.
