മംമ്ത മോഹൻദാസ് നായികയാകുന്ന തെലുങ്ക് ചിത്രം ദുദ്രാംഗിയുടെ ട്രെയിലർ പുറത്ത് വിട്ടു. വിമല രാമൻ, ജഗപതി ബാബു, ആശിഷ് ഗാന്ധി എന്നിവരാണ് ചിത്രത്തിലെ പ്രാധാന കഥാപാത്രങ്ങളെ അവതരിപ്പിക്കുന്നത്. അജയ് സാമ്രാട്ട് ആണ് ഈ പീരിയഡ് ചിത്രത്തിന്റെ സംവിധായകൻ. ഛായാഗ്രഹണം നിർവഹിക്കുന്നത് സന്തോഷ് ഷനമോണിയാണ്. റാണി ജ്വാല ഭായി ദേശ്മുഖ് എന്ന കഥാപാത്രത്തെയാണ് മംമ്ത ചിത്രത്തിൽ അവതരിപ്പിക്കുന്നത്. ജൂലൈ ഏഴിന് ചിത്രം റിലീസ് ചെയ്യും.
2010 ൽ പുറത്തിറങ്ങിയ ‘കേഡി’ എന്ന ചിത്രത്തിനുശേഷം മംമ്ത അഭിനയിക്കുന്ന തെലുങ്ക് ചിത്രം എന്ന പ്രത്യേകത കൂടിയുണ്ട് ഈ ചിത്രത്തിന്. മലയാളത്തിൽ ലൈവ് എന്ന ചിത്രമാണ് മംമ്തയുടേതായി അവസാനം റിലീസ് ചെയ്ത ചിത്രം.
